Við áramót á Álftanesi.

Þar sem ég hef allt frá hausti 2006 gagnrýnt framferði, áætlanir og ákvarðanir fulltrúa Á – lista, undir forystu Sigurðar Magnússonar þá bæjarstjóra, þá finnst mér rétt að benda hér á niðurstöðu skýrslu sem unnin var af Grant Thornton endurskoðun fyrir bæjarstjórn Álftaness á haustdögum 2006, máli mínu til stuðnings.

Skýrsla þessi var unnin skv. samþykkt bæjarstjórnar að tillögu fulltrúa Á – lista. Aðalmál tillögunnar að mati þáverandi bæjarstjóra, var að gera úttekt á stöðu fjármála fyrstu sex mánaða ársins 2006, til þess að sýna fram á lélega stjórnsýslu undir forystu fulltrúa D – lista, sem eðli máls skv. höfðu ekkert með rekstur bæjarfélagsins að gera eftir 1. júní 2006, sbr. niðurstöðu kosninganna í maí 2006.

Rekstur bæjarsjóðs árið 2006 byggði auðvitað á fjárhagsáætlun ársins, sem samþykkt var í desember 2005.

Rétt er að benda á að fjárhagsáætlun árins 2006 gerði ráð fyrir rekstri allt árið, en ekki einungis fyrstu sex mánaðanna. Þegar síðan það gerist að fulltrúar Á – lista að frumkvæði þáverandi bæjarstjóra taka fjárhagsáætlun ársins úr sambandi og öll áform, sem samþykkt höfðu verið til hagsbóta fyrir Álftensinga voru látin lönd og leið, að eitthvað hlaut að láta undan. Þarna strax var ollið gífurlegu tjóni, sem síðan hlóðst upp með gengdarlausum og arfavitlausum ákvörðunum, sem smátt og smátt leiddu til þess að bæjarsjóður komst í þrot.

Ef eftirlitskerfi með fjármálum sveitarfélaga hefði virkað á árinu 2007, þá hefði ársreikningur 2006 og fjárhagsáætlun 2007 átt að koma til alvarlegrar skoðunar í ráðuneyti sveityarstjórnarmála. Svo varð ekki því miður - ,,það voru allir svo happý 2007."

Til þess að taka dæmi um innistæðulausar ákvarðanir frá sumri 2006, þá er rétt að nefna ákvörðun um að lækka leikskólagjöld um 33% og hefja mánaðarlegar greiðslur til foreldra ungra barna kr. 40.000.- á mánuði. Þessar tvær ákvarðanir eru meðal þeirra, sem leiddu okkur á hrun brautina strax saumarið 2006. Þessar tvær ákvarðanir voru göfugar, en með öllu innistæðulausar.

Strax sumarið 2006 var hafist handa við að eyða almannafé á bæði borð á þeim grundvelli að tækjur myndu flæða í bæjarsjóð á árunum 2007 og 2008.

ÞÆR TEKJUR KOMU ALDREI Í BÆJARSJÓÐ.

Ég tel að stjórnsýsluúttekt sú sem nú fer fram í Samgönguráðuneytinu á öllum fjárhagslega tengdum ákvörðunum og skuldbindingum bæjarstjórnar öll árin, 2005, 2006, 2007, 2008 og 2009, muni sýna að hér var kolvitlaust gefið allt frá sumri 2006. Úttekt Þessi er gerð skv. samningi bæjarstjórnar við eftirlitsnefnd með fjármálum sveitarfélaga dags. 17. desember 2009.

Ekki er útilokað að í þessari úttekt ráðuneytisins komi fram saknæm atriði, sem varða almannaheill á Álftanesi.

Þessi athyglisverði kafli er úr skýrslu Grant Thornton endurskoðunar frá í nóvember 2006:

"Í dag hafa hins vegar ytri skilyrði versnað, eins og svo glögglega
kemur fram í árshlutareikningi sveitarfélagsins, en þar sést að kostnaðarliðir hækka töluvert umfram áætlanir en tekjur ekki að sama skapi. Þá verða tekjur vegna lóðasölu og gatnagerðar ekki innleystar ekki fyrr en á næstu árum vegna frestunar á framkvæmdum. Vextir á lánamörkuðum erlendis og hérlendis hafa farið hækkandi, gengisþróun verið óhagstæð og verðbólga komin vel yfir sett verðbólgumarkmið Seðlabankans.
Bregðast þarf við hallarekstri strax.
Með þetta í huga og þegar horft er á afkomutölur fyrstu fimm mánuði ársins 2006 er það skoðun okkar að leita þurfi allra leiða til að bregðast við rekstrarhalla og skuldasöfnun þannig að sveitarfélagið geti staðið við skuldbindingar sínar þegar til framtíðar er litið."

Svo mörg voru þau orð endurskoðendanna.
Hvað var svo gert með þessa viðvörun = ALLS EKKI NEITT.

Hefði fjárhagsáætlun sú sem samþykkt var í desember 2005 ekki verið svona kyrfilega tekin úr sambandi í júni 2006 og ef einhver minnsti snefill málamiðlunar milli algerrar eyðileggingar fulltrúa Á – lista undir dæmalausri forystu þáverandi bæjarstjóra og raunhæfra áætlana fulltrúa D – lista frá í desember 2005 við afar erfiðar aðstæður, þá værum við ekki í þeim sporum sem við erum nú um stundir.

Nú reynir á hvernig hægt verður að sinna heildarhagsmunum Álftnesinga svo að vel verði tryggt að árás fulltrúa Á – lista á almannafé okkar íbúanna bæjarsjóðinn allt frá því í júni 2006 geti aldrei aftur orðið skotspónn misvitra spekúlanta með óspennandi fortíð, sem láta sér ekki annt um neitt annað en eigin velferð á grundvelli lýðskrums, lyga og alvarlegrar fyrringar.

Engin fullvissa er fyrir því á hvern hátt okkur tekst að vinna úr þessum geysimikla vanda, sem blasir við. En Íslendingar eru þekktir fyrir að láta sér ekki allt fyrir brjóstið brenna og við munum sjá fram á betri tíð, við eigum það skilið eftir allt sukkið og bullið, sem yfir okkur hefur gengið á landsvísu og einnig undir nefum okkar í eigin heimabyggð.

Bestu óskir um gleðilegt og farsælt nýtt ár,

Guðmundur

Jólakveðja

Það hefur margt á dagana drifið síðan um mánaðarmótin september október sl. Þá var myndaður nýr meirihluti bæjarstjórnar, sem kom að verki af fullri einurð og ábyrgð. Lög kveða á um hvernig sveitarstjórn skuli bera sig að þegar í fjárþröng er komið. En svo hart hefur verið keyrt á óraunverulegum markmiðum og margar innistæðulausar ákvarðanir verið teknar. Fulltrúar D - lista hafa ítrekað varað við óraunhæfum áætlunum fulltrúa Á - lista. Það er hart að þurfa upplifa slíka atburðarrás, sem þessa hér á Álftanesi.

Því hefur verið haldið fram ítrekað að kreppa sú sem skall á í byrjun október 2008 sé orsakavaldurinn að gjaldþurrð bæjarsjóðs. Því fer auðvitað víðs fjarri, það var löngu ljóst að hér hefur verið vitlaust gefið allt frá sumri 2006. Með samanburði ársreikninga 2005 til 2008 sést svo ekki verður um villst, hvernig ekki á að gera hlutina.

Þessa dagana er raunverulega látið á það reyna hvort gerlegt sé að vinna okkur út úr þessum mikla vanda, sem búið er að setja bæjarsjóð í. Gerður hefur verið samningur við eftirlitnefnd með fjármálum sveitarfélaga, sem veitir okkur visst svigrúm til aðgerða á eigin forsendum. Meðal þess sem semja þurfti um var hvert álag á útsvar yrði og hve há álagning yrði á fasteignaskatt. Með góðum rökum var komist hjá því að hér yrðu samþykktar hæstu álögur, sem heimilar eru skv. lögum. Auðvitað er þegar byrjað að skrumskæla tölur úr þessu samkomulagi og því haldið fram að fasteignagjöld hækki um 40%! Svo er alls ekki. Fasteignaskattsálagning verður 0,4 af fasteignamati í stað 0,28. Fasteignaskattur er einn hluti fasteignagjalda, aðrir þrír gjaldstofnar koma til. Að teknu tilliti til þess hver gjöld verða vegna sorpgjalds, fráveitu og vatnsgjalds, þá verður hækkun fasteignagjalda á Álftanesi 13 til 15%, en í örfáum undantekningartilfellum 25%. Rétt er að vekja aðhygli á að Á - listi ákvað að fasteignagjöld hækkuðu 1. janúar 2007 um 32%!

Því miður þurfa Álftnesingar að bera auknar byrðar og þykir mörgum nóg um, þar sem ríkið gengur fram af hörku og hækkar álögur á íbúa landsins, með hækkun skatta, vöruverðs og verðtryggingar lána.

Vonandi verða þessar sértæku álögur á Álftnesinga einungis til eins árs. Það er mikilvæg vinna, sem fer nú í gang og varðar marga samverkandi þætti til hagsbóta fyrir Álftnesinga. Í janúar verður haldinn íbúafundur, þar sem skýrt verður í hvar stefni og hvernig hafi til tekist, frá því samningur var gerður við eftirlitsnefndina.

Ég hef ekki um skeið skrifað á bloggið pistla mína og var það að vandlega athuguðu máli. Ég fengið nokkrar fyrirspurnir vegna þessa og því að er til svar að tímabilið frá lokum september hefur verið mjög viðkvæmt og bæjarfulltrúar meirihluta bæjarstjórnar sammælst um að vinna við þessar erfiðu aðstæður þurfi háttvísi og trúnað.

Nokkrar blaðagreinar hafa verið birtar undanfarnar vikur eftir þau sem mesta ábyrgð bera á þróun mála á Álftanesi. Gegn um sneitt lýsa þau orð þessari dæmalausu fyrringu, sem við blasir öllum sem skilja vilja það ófremdarástand, sem búið er að koma okkur Álftnesingum í á kjörtímabilinu. Þetta málæði þessara aðila er dæmalaust yfirklór. Vita þau ekki enn hvaða tjóni þau hafa valdið?

Því miður þurfa Álftnesingar nú að taka á honum stóra sínum af æðruleysi, við fordæmalausar aðstæður bæði á landsvísu og hér heima fyrir.

Nú gengur í garð jólahátíðin, með allri þeirri gleði sem fylgir. Höfum í heiðri gömlu góðu gildin, með samheldni fjölskyldna og samhug nágranna, kunningja og vina.

Ágætu Álftnesingar, gleðileg jól.

Guðmundur

Samstarf um starfhæfa bæjarstjórn Álftaness

Þrír bæjarfulltrúar D - lista og Margrét Jónsdóttir óháður bæjarfulltrúi undirrituðu samkomulag þann 27. september sl. um myndun nýs meirihluta bæjarstjórnar Álftaness, sem byggir á ,,samkomulagi um starfhæfa" bæjarstjórn.

Höfuð markmið samkomulagsins er fjárhagslegs eðlis, að skilgreina vanda rekstrar bæjarsjóðs Álftaness og finna leiðir, sem færar eru inn á farsælli brautir Álftnesingum til heilla.

Nú er unnið að átta mánaða uppgjöri ársins og verður það lagt fram á fundi bæjarráðs fljótlega.

Frá því Sigurður Magnússon þá bæjarstjóri, tilkynnti oddvita D - lista og formanni Sjálfstæðisfélagsins á fundi seint á sunnudagskvöldi 26. júlí sl, að meirihluti Á - lista væri sprunginn vegna endurkomu Kristjáns Sveinbjörnssonar í bæjarstjórn, þá er því miður liðinn langur tími, þar sem Sigurður sat lengst af sem bæjarstjóri án umboðs.

Samkomulagið frá 27. september sl. er afrakstur margra funda og mikillar yfirlegu vikna þar á undan. Hafa aðilar samkomulagsins heitið fullri samstöðu, heilindum og trúnaði sín á milli, við verkefnið sem er framundan.

Ábyrgð okkar sem að samkomulaginu stöndum er mikil og verkefni okkar liggur ljóst fyrir, Álftnesingar munu sjá skýr merki þess á næstu vikum að með nýjum vinnubrögðum verður tekið með raunhæfum hætti á þeim vanda sem blasir við í rekstri bæjarsjóðs.

Guðmundur

Hugmyndasmiður Á - listans og ,,gróðafíknin."

Hugmyndasmiður Á – listans, kaup á landi og ,,gróðafíknin."

Það var í apríl 2002 að aðalhugmyndasmiður Á – listans Ari Sigurðsson og Sigurður Magnússon, þá í fyrsta sæti framboðslistans fyrir hreppsnefndarkosningar í maí það ár, gerðu sér ferðir til eiganda lands Brekku. Erindið var að falast eftir landi til kaups fyrir íbúðabyggð við Suðurnesveg. Megin málið væri að skipuleggja þar byggð fyrir unga Álftnesinga, svo sem Sigurður hélt fram á hreppsnefndarfundum síðar. Eftir nokkurn þrýsting Ara og Sigurðar var gerður samningur um kaup Loftorku á landinu, þar sem nú heitir Brekkuland, Ásbrekka og Bæjarbrekka. En Ari Sigurðsson gekk erinda Loftorku á fölskum forsendum Sigurðar. Skipulagi reitsins var breytt og byggðar þar fjölmargar íbúðir, en einungis eitt hús sérstaklega ætlað ungum Álftnesingum, sem Búseti byggði.

Loftorka borgaði ,,lágmarksgjald“ pr. íbúðareiningu, vann gatnagerðina, byggði sumar íbúðanna og seldi og seldi auk þess lóðir til einstaklinga eða byggingarverktaka. Ekki fara þó sögur af miklum hagnaði Loftorku vegna viðskiptanna.

Nú vaknar sú spurning hvort Sigurður sé sérstaklega að meina að þessi gjörningur hafi verið vafasamur í meira lagi, sbr. grein Sigurðar í Fréttablaðinu í gær 21. september. Í greininni kemur fram í fyrirsögn ,,gróði af Álftanesi í útlöndum.“ Þar er fjálglega lýst gróðafíkn verktaka, þeirra sem keypt hafa land af landeigendum til uppbyggingar.

Það er svo að land á Álftanesi, það sem byggt hefur verið, hefur að lang mestu leiti verið selt beint til einstaklinga af eigendum landsins eða hin síðari ár til byggingaraðila sem síðan hafa eftir atvikum byggt ágæt hverfin okkar Álftnesinga.

Það gerist hins vegar vorið 2005 að bæjarsjóður eignast hluta lands á miðsvæðinu og eðli málsins skv. er því bæjarsjóður söluaðili þess hluta svæðisins, sem ,,byggingarréttur“ hefur verið seldur á síðan. Var það yfirlýst markmið bæjarstjórnar veturinn 2005 til 2006 að úthluta til einstaklinga um 80 íbúðareiningum á svæðinu í einbýli, raðhúsum og fjölbýli sumarið 2006 á sanngjörnu verði. Sigurður beitti sér fyrir því að svo varð ekki, með eftirminnilegum hætti.

Sigurður finnur það út að bæjarsjóður hafi orðið af yfirgengilegum gróða, vegna fyrirkomulags sölu lóða undanfarin ár. Segir að bæjarsjóður væri ,,skuldlaus“ svo sem ráða má af hans dæmi. Grein Sigurðar í Fréttablaðinu er athyglisvert innlegg í skrítna umræðu Sigurðar um áhrif verktaka á framvindu uppbyggingar á Álftanesi.

Skemmst er að minnast ótrúlegrar framgöngu Sigurðar, þá bæjarstjóri, á fundi bæjarráðs Álftaness 9. til 13. júlí sl. Fundargerð þess fundar er kapítuli út af fyrir sig. Á þeim fundi lagði Sigurður fram 6 frágengna samninga við byggingarverktakafyrirtækið Ris ehf. Samningarnir voru lagðir fram á fundinum til afgreiðslu bæjarráðs, án þess að kynnt hafi verið í fundarboði hvað stæði til. Án þess að einu sinni fulltrúar Á – lista á fundinum eða formaður bæjarráðs vissu hvað Sigurður hafði undirbúið eða til hvers væri ætlast á fundinum. Samningunum sex var bara dreift á fundinum og skildu þeir samþykktir möglunarlaust. Þannig vann nú Sigurður, enda stjórnsýsla undir hans forystu einsdæmi á öllu landinu.

Athyglisvert var að samningur nr. 6 við Ris ehf, sem lagður var fram beint á fundinum, var samkomulag um kröfu KBbanka að Ris ehf. skipti um kennitölu og stofnaði þar með nýtt fyrirtæki um byggingarframkvæmdir á vegum Búmanna. Sá samningur er nr 7 (eða nr. 1 eftir atvikum), gagnvart Ris ehf, sem samþykktur var í bæjarstjórn 28. maí sl. Krafa KBbanka var vegna samþykkts framkvæmdaláns til Ris ehf. vegna framkvæmdanna.

Sigurður talar um skuldlausan bæjarsjóð, hefði hans ,,verktakapólitík“ ráðið för. Hvernig stendur þá á því að skuldir og skuldbindingar bæjarsjóðs eru nú um eða yfir 6 milljarðar, eða meir en sexfaldar ártekjur? Slík var nú frammistaða bæjarstjórans fyrrverandi, sem valdi þá leið að hafa ,,valdsprotann“ í eigin hendi alfarið, því fór sem fór.

,,Vald“ bæjarstjóra er vandmeðfarið, en vissulega framkvæmir bæjarstjóri ekkert án þess að stuðningur eða samþykki bæjarstjórnar sé til staðar. Því var öðruvísi varið með Sigurð, sem lét af störfum bæjarstjóra á aukafundi bæjarstjórnar 9. september sl.

Guðmundur

Gjaldþrota bæjarsjóður

Á morgun 21. september eru liðnir 60 dagar frá því að þrír fulltrúar fyrrum Á - lista höfnuðu endurkomu Kristjáns Sveinbjörnssonar í bæjarstjórn á ný. En ráðuneyti sveitarstjórnarmála úrskurðaði þann 23. júlí sl. að Kristján ætti að taka sæti sitt á ný í bæjarstjórn. Síðan hefur allsherjar uppnám verið í bæjarstjórn. Á aukafundi bæjarstjórnar 9. september urðu þó þau tíðindi að umboðslausum bæjarstjóranum var sagt upp störfum. Síðan reyndar ekki söguna meir, sama upplausnin ríkir og nú hefur formaður bæjarráðs tekið við ábyrgðarleysinu, sem oddamaður á milli þriggja fulltrúa D - lista annars vegar og hins vegar tveggja fulltrúa fyrrum Á - lista og Krisjáns. Það gefur auga leið að ekki verður gæfulegt framhaldið í bæjarstjórninni, þar sem bæjarstjórnin er með öllu óstarfhæf.

Á fundi bæjarráðs 17. september sl. lagði ég fram tillögu þar sem óskað var eftir fundi með eftirlitsnefnd með fjármálum sveitarfélaga. Mér þótti þessi tillaga eðlileg, þó ekki væri lengra gengið en að óska eftir fundinum.

Við upphaf umræðu um mál nr. 3 í fundargerðinni, sagði bæjarstjóri frá fundi hans og skrifstofustjóra með framkvæmdastjóra þessarar nefndar. Á þeim fundi kom frá að einungis dagaspursmál væri hvenær nefndin myndi óska eftir fundi með bæjarstjórn Álftaness í ljósi mjög alvarlegrar og erfiðrar stöðu bæjarsjóðs.

Á fundum undanfarnar vikur hafa hluti bæjarfulltrúa hist og hefur verið gerð tilraun til þess að koma á starfhæfri bæjarstjórn með myndun meirihluta, sem einbeitti sér að tilteknum afmörkuðum verkefnum til vors. Eitt megin atriða sem rædd voru á þessum fundum var að við hefðum sjálf frumkvæði að því að óska eftir fundi með eftirlitsnefndinni. Það þarf nú ekki neina sérfræðinga til að sjá að bæjarsjóður Álftaness er gjaldþrota. Sú þróun fulltrúa Á - lista undir ötulli forystu fyrrverandi bæjarstjóra, að gera bæjarsjóð gjaldþrota, hófst strax í júní 2006. Séu ársreikningar 2006, 2007 og 2008 skoðaðir og bornir saman (eru á heimasíðunni alftanes.is) kemur í ljós að strax árið 2007 var ljóst í hvað stefndi. Þegar fjármálakreppan skall á haustið 2008, var bæjarsjóður þegar gjaldþrota. Hins vegar finnst fyrrverandi bæjarstjóra ,,sniðugt" að benda á að kreppan eigi alla sök, því fer reyndar víðsfjarri. Axarsköft fyrrum bæjarstjóra Á - listans verða Álftnesingum dýr.

Aftur að tillögu minni á síðasta fundi bæjarráðs. Tillagan var þessi:
,,Bæjarráð samþykkir að leita nú þegar eftir fundi bæjarstjórnar með Eftirlitsnefnd um fjármál sveitarfélaga. Bæjarstjóri boði fundinn."
Skýring:
,,Í ljósi mjög erfiðrar stöðu bæjarsjóðs verði óskað fundar, helst nk. mánudag eða þriðjudag. Bæjarstjóri og fjármálastjóri útbúi tilhlýðileg gögn um stöðu bæjarsjóðs, til að leggja fram á fundinum. Fjármálastjóri verði einnig á fundinum. Markmið fundarins er að fá ráðgjöf um leiðir í erfiðri stöðu."

Fyrrverandi bæjarstjóri, sem sat fundinn lagði til frávísun á tillögunni, sem formaður bæjarráðs samþykkti. Þar með kom tillagan ekki til afgreiðslu á fundinum.
Þetta er nú það sem kallað er á góðri íslensku ,,að berja höfðinu við steininn."
Ég lít svo á að það liggi í hlutarins eðli að fá fund með eftirlitsnefndinni, vil að bæjarstjórn hafi frumkvæði að slíkum fundi. Það er mikill munur á hvort við óskum eftir fundinum eða hvort bréf komi frá nefndinni, með boð um fundinn.

Guðmundur

,,Fréttaskýring" í Mogga 11. sept. sl.

Ég sá ástæðu til þess áðan að senda Morgunblaðinu eftirfarandi athugasemd vegna ,,fréttaskýringar" Steinþórs Guðbjartssonar í Mogga 11. sept. sl.
Þennan pistil sendi ég Mogga.

Varðandi Álftanes og þróun mála.

Ég geri athugasemdir við ,,fréttaskýringu” Steinþórs í Mogganum á föstudaginn 11. sept. ,,Fréttaskýringunni” er enn haldið á lofti á mbl.is
Það er mjög orðum aukið að ,,unnið hafi verið þrotlaust að myndun starfhæfs meirihluta.” Upphaf þessa einkennilega tímabils er 24. júlí sl. þegar fyrrum samherjar Kristjáns Sveinbjörnssonar hafna endurkomu hans. En Samgönguráðuneytið hafði kveðið upp all sérkennilegan úrskurð daginn áður vegna kæru Kristjáns.

Fyrrum bæjarstjóra tókst að þvæla svo málum í eigin liði upphaflegs Á – lista, að það var 18. ágúst að Margrét Jónsdóttir hafði frumkvæði að því að kalla 6 af 7 bæjarfulltrúum saman til fundar, þ.e. þremur vikum fyrir aukafund bæjarstjórnar 9. sept. sl.

Vissulega hefur Margrét lagt á sig mikla og óeigingjarna vinnu, en það voru fleiri sem lögðu drjúga hönd á plóg. Fulltrúar D – lista komu að borðinu heils hugar og fögnuðu frumkvæði Margrétar og lögðum við mikið á okkur við að ná fram ásættanlegri niðurstöðu um starfhæfa bæjarstjórn. Því miður virtust fyrrum bæjarstjóri og fyrrum forseti bæjarstjórnar koma að þessum samræðum áhugalaus og með hangandi hendi. Þau tvö eru einu fulltrúar Á – lista nú. En það kom svo endanlega í ljós á fundi 3. sept. að þeirra aðkoma að þessum viðræðum, virðist hafa verið til að fresta sem lengst því óumflýjanlega. Nefnilega að bæjarstjóri viki úr starfi. 48 dagar liðu frá því upplausnin í Á – listanum kom upp á yfirborðið, þar til bæjarstjóri var settur af á aukafundi bæjarstjórnar 9. sept sl.

Mér finnst lélegt í ,,fréttaskýringunni” að vitnað sé í samtöl ,,margra viðmælenda” nafnlausra, þar sem helst kemur fram að Sigurður, Kristján og Guðmundur þurfi allir að víkja.

Steinþór hafði samband við mig í síma á fimmtudeginum og við áttum ágætt spjall saman, þar sem ég skýrði andúð mína á bruðli því, sem fyrrum bæjarstjórinn hefur staðið fremstur í flokki fyrir.

Ég hef ekki legið á mínum skoðunum og ritað greinar í blöð til að vekja athygli á sukki með almannafé. Reyndar hef ég verið nokkuð einn um að viðra mínar skoðanir og andúð á framferði fyrrum bæjarstjóra. Ég tel ekki rök fyrir því að ég víki úr bæjarstjórn, á grundvelli þess að ég hef gagnrýnt og ekki legið á skoðunum mínum.

Megin mál í símtali Steinþórs við mig virtist vera að fá svar við því hvort mér finndist að Kristján ætti að víkja úr bæjarstjórn. Ég tel mig hafa skýrt málið á vandaðan hátt, en gerði mér ekki grein fyrir því í símtalinu, að megin mál væri að leiða mig í gildru og hafa að engu skýringar mínar í símtalinu.
Mér finnst leitt þegar fréttamenn afvegaleiða umræðu og einkum með slíkri ,,fréttaskýringu” sem þessari Steinþórs, þar sem ég tel að hann veitist með kjánalegum hætti að mér persónulega í skjóli ,,margra viðmælenda.”
Svona fréttapistill gerir bara illt verra á viðkvæmum tímum.

Guðmundur

Ólögleg gatnagerð við Suðurtún og skóla

Komið hefur í ljós að ekki liggur fyrir framkvæmdaleyfi vegna gatnagerðar sunnan Suðurtúns og Álftanesskóla. Samkvæmt lögum eru ekki heimilar neinar framkvæmdir í bæjarfélaginu án slíks leyfis, sem þarf samþykkt skipulags- og byggingarnefndar og bæjarstjórnar.

Gatnagerðin sunnan Suðurtúns er því ólögleg. Fulltrúar D - lista hafa krafist þess marg ítrekað að ekki verði af þessum fáránlegu framkvæmdum við veginn, sem er nánast inni í görðum fólks og sker í sundur barnaleikvöllinn við Suðurtún og sneyðir inn á lóðina við Álftanesskóla. Athyglisvert er að taka á burt stóran hluta 40 milljón króna framkvæmdar frá því sumarið 2005, þ.e. lóðarinnar austan skólans.

Yfir sjö hundruð íbúar mótmæltu þessum vegi sunnan Suðurtúns, þegar auglýst var breytt deiliskipulag miðsvæðis. Allir íbúar í Suðurtúni mótmæltu. Allt kom fyrir ekki og er þessi yfirgangur að frumkvæði bæjarstjóra með ólíkindum.

Þvílík fyrring.

Slík er stjórnsýslan á Álftanesi að ekki er hlustað á mótbárur og allra síst tekið tillit til undirskriftarlista meirihluta íbúa. Stjórnsýsla á Álftanesi er engri annarri lík á landinu öllu. Þvílík er fyrran og það ótrúlega er að bæjarstjórinn virðist hreinlega komast upp hvað hvað eina, sem honum dettur í hug, þó umboðslaus sé nú og rúinn trausti.

Það er kostulegt að nú er reyndar stokkið til og útbúið bréf frá Ris ehf. dags. í gær!!! Ris er framkvæmdaaðilinn. Tilgangurinn er að klóra yfir skítinn. Nú stendur yfir fundur í skipulags- og byggingarnefnd Álftaness sem, hófst kl. 8 í morgun. Á dagskrá er að ,,redda" framkvæmdaleyfinu, sem síðan verður svo væntanlega þjösnað í gegn á fundi bæjarráðs á fimmtudaginn kemur.

Hvað á að gera þegar menn brjóta svo lög í ofanálag á alla vitleysuna, sem í gangi er á Álftanesi?

Guðmundur

Bæjarstjórn, framvinda.

Fulltrúar D - lista hittu Margréti Jónsdóttur á stuttum fundi fimmtudaginn 20. ágúst. Bæjarfulltrúar D - lista óskuðu eftir fundinum. Sú spurning var borin upp öðru sinni síðan 28. júlí sl. hvort hún gæti samþykkt að hefja viðræður um myndun nýs meirihluta með fulltrúum D - lista í ljósi alvarlegrar stöðunnar nú. Svarið: Nei.

Margrét hafði óskað eftir fundi sex bæjarfulltrúa (ekki Kristjáni) á fimmtudeginum, en ekkert varð af þeim fundi. Fulltrúar D - lista óskuðu eftir að þeim fundi væri frestað til föstudags 21. ágúst og að Kristján yrði boðaður einnig. Þannig að allir bæjarfulltrúar færu yfir stöðuna.

Margrét boðaði fund kl. 10.30 á föstudeginum, ekkert varð af fundinum vegna fjarveru hluta bæjarfulltrúa. Fundur hefur verið boðaður á mánudaginn, þann 24. ágúst.

Að minni hyggju er megin tilgangur fundarins að fara yfir (ef hægt verður) þessa einkennilegu stöðu bæjarstjórnar. Ræða á fundinum hugmyndir Margrétar frá því á fundi að hennar frumkvæði þann 18. ágúst. Á þann fund boðaði hún ekki Kristján.

Á fundinum á mánudaginn kemur þarf að ræða pattstöðuna í bæjarstjórn og til hvaða ráða hægt sé að grípa, til að hér verði ekki áfram upplausn sem nú er.

Guðmundur

Fulltrúar Á - lista og fyrrum fulltrúar ná ekki saman.

Formaður bæjarráðs boðaði 6 af sjö bæjarfulltrúum á fund í gærkvöldi. Erindið var að lýsa því yfir að hún sá ekki flöt á samvinnu með Kristjáni Sveinbjörnssyni.
Hún las stutta tilkynningu og fór svo yfir sínar hugmyndir að framvindunni, við núverandi aðstæður.
Hennar vilji stendur til þess að þessir 6 bæjarfulltrúar myndi nýjan meirihluta bæjarstjórnar Álftaness.
Hún biðlar sterkt til fulltrúa D - lista um að taka þátt í vinnu við að ná fram þessari tillögu hennar.
Fundurinn var stuttur, enda ekki ástæða til að staldra lengi við orðinn hlut. Ekki er því að leyna að hugurinn hvarflar til daganna 27. til 29. júlí sl. þar sem þá fulltrúar Á - lista kepptust við að mála hvert annað út í horn.
Staðan er sú núna að formaður bæjarráðs hefur óskað eftir að hennar tillögur og hugmyndir verði skoðaðar til morguns, en hún hefur óskað eftir fundi með þessum sömu á morgun.
Ljóst er að með þessu er meirihluti Á - lista og fyrrum fulltrúa Á - lista fallinn í annað sinn á þremur vikum.
Yfirlýsing þessara aðila í fundargerð bæjarráðs frá 6. ágúst sl. var og er marklaus og er því bæjarstjóri umboðslaus í sínu starfi. Það er eðli máls samkvæmt algerlega óviðunandi.

Guðmundur

Fundur um bæjarmálin

Stjórn Sjálfstæðisfélagsins á Álftanesi og aðal- og varabæjarfulltrúar hittust á fundi í vikunni. Ákveðið var að halda fund um bæjarmálin í Haukshúsum á miðvikudaginn 19. ágúst kl. 20.

Bæjarfulltrúar D – lista munu flytja á fundinum stuttar framsögur, en megin mál er aðkoma annarra íbúa með fyrirspurnum og almennum umræðum.

Að margra mati er tímabært að fá fund með íbúum um þá alvarlegu stöðu sem hér á Álftanesi er, einkum varðandi fjármálin og alvarlega óstjórn.

Stjórnsýsla á Álftanesi er engri annarri lík á öllu landinu og eru uppákomur í bæjarstjórn dagana 24. til 29. júlí sl. talandi dæmi um þetta fyrirbrigði.
Þá daga höfnuðu fulltrúar Á – lista samvinnu við hvort annan eftir því sem við átti, ekki var hægt að hefja samvinnu við Kristján, eftir að ráðuneytið hafði úrskurðað að honum bæri að taka sæti í bæjarstjórn á ný. Engin samvinna yrði við Kristján, hann tilheyrði ekki lengur Á – listanum! Svo lýsti formaður bæjarráðs í einstakri yfirlýsingu sinni þann 27. júlí sl. yfir vanstrausti á bæði Kristján og bæjarstjórann.

Þá var ljóst að allt var upp í loft á þeim bænum, sem síðan berast þær fréttir að fulltrúar Á – lista og fyrrum fulltrúar Á – lista segja að bæjarstjóri starfi í þeirra skjóli, aðeins eigi eftir að ná saman um málefnin á ný!!!!!

Miðað við samþykktir bæjarstjórnar í maí og bæjarráðs í júlí á tillögum þá fulltrúa Á – lista um m.a. annars framkvæmdir á miðsvæðinu, þá virðist eitt vera nokkuð ljóst –

Það er hvergi góðæri í öllum heiminum, nema á Álftanesi.

Guðmundur

Fundur í bæjarráði 6. ágúst.

Á heimasíðunni alftanes.is er á forsíðu, sem frétt, yfirlýsing fulltrúa Á - lista og fyrrverandi fulltrúa Á - lista. Einhver bæjarfulltrúi þeirra hefur beðið um að yfirlýsing þessi væri sett á heimasíðuna. Í leiðinni hefði verið eðlilegt að bókun mín á fundinum kæmi fram líka við þetta tækifæri, þar sem ég var málshefjandi. Ég hef beðið bæjarstjóra um að setja mína bókun á heimasíðuna einnig, en ekki fengið svar enn við beiðninni.

Þetta er dæmigerð misnotkun fulltrúa Á - lista og fyrrverandi fulltrúa Á - lista, sem hefur einkennt heimasíðuna allt þetta kjörtímabil. Enda eru mýmörg dæmi um þessa misnotkun þeirra, til þess að slá ryki í augu íbúa, með einlitum ,,fréttum." Frægust er misnotkun þáverandi forseta bæjarstjórnar á síðunni þann 20. nóvember sl. þegar hann setti ruglið um lóðina Miðskógum 8 og eigendur hennar á síðuna undir nafninu Sigurður, með netfangið: sigurdurone@yahoo.com !!

Það athyglisverða er að yfirlýsingin þeirra í bæjarráði segir ekki neitt annað en að allt sé upp í loft og síðan er nefnt til sögunnar verið sé að endurnýja ,,samstarfssamning" þeirra. En slíkt plagg hefur þetta svokallaða óflokksbundna framboð aldrei kynnt.En umfram allt er tekið fram að bæjarstjóri starfi á ábyrð þeirra fjögurra!

Það rétta er að ég óskaði eftir því með tölvuskeyti tímanlega fyrir fundinn að í upphafi bæjarráðsfundarins yrðu rædd fundarsköp og staða í bæjarstjórn í ljósi atburða 24 til 29. júlí sl.

Reyndar var það svona frekar tilgangslítið að ræða þessa fáránlegu stöðu í bæjarstjórn á bæjarráðsfundinum, þar sem höfuðpaurinn í öllu ruglinu bæjarstjórinn var ekki á fundinum, hann var í fjallgöngu með Kristjáni Sveinbjörnssyni og fleirum. En Kristjáni afneitaði bæjarstjórinn ,,svo snyrtilega" helgina 24. til 26. júlí sl. Það gerði reyndar formaður bæjarráðs einnig með einstakri yfirlýsingu sinni að kvöldi 27. ágúst sl.

Það er óskaplega margt skrýtið í kýrhausnum.

Þessi er bókun mín á bæjarráðsfundinum:

Bókun fulltrúa D – lista:
,,Óska eftir því að upplýst sé nú á fundinum hver staða bæjarfulltrúa Á – lista og fyrrum bæjarfulltrúa Á – lista er. Því hefur verið lýst yfir að ekki sé lengur meirihluti Á – lista í bæjarstjórn. Uppnám er í bæjarstjórn vegna þess að bæjarfulltrúar Á – lista og áður bæjarfulltrúar Á – lista höfnuðu samstarfi við Kristján Sveinbjörnsson, eftir að úrskurður ráðuneytis lá fyrir um endurkomu hans. Formaður bæjarráðs hefur skv. yfirlýsingu dags. 27. júlí sl. sagt sig af Á – listanum, hafnað samstarfi við Kristján og gagnrýnt bæjarstjóra vegna vinnubragða, framkomu og ýmsa málsmeðferð á vettvangi meirihluta. Ljóst virðist að meirihluti bæjarfulltrúa vilji að bæjarstjóri víki. Það er óþolandi að bæjarstjóri haldi bæjarstjórn í gíslingu, þar sem fjóra þarf til boðunar aukafundar bæjarstjórnar eða að bæjarstjóri boði slíkan fund. Óska eftir að yfirlýsing formanns bæjarráðs sé bókuð í fundargerðina.”

Guðmundur

Framkvæmdir á miðsvæði, dapur dagur.

Svo sem ég kynnti með bréfi til íbúa í Suðurtúni dags. 16. júlí sl. (bréfið er hér á síðunni), þá eru nú hafnar í dag framkvæmdir við nýjan Skólaveg sunnan við Suðurtúnið. Leggja á veg meðfram íbúðahverfinu við Suðurtún og Skólatún og að skólasvæðinu. Í leiðinni verður grafinn í burtu stór hluti skólaleiksvæðisins, sem unnið var skv. útboði á árinu 2005 og kostaði öll framkvæmdin þá um 40 milljónir. Þarna hefur verið vinsælt leiksvæði skólabarnanna.

Það voru meira en helmingur þeirra sem kusu vorið 2006, sem mótmæltu nýju skipulagi miðsvæðisins í janúar 2008 og þá sérstaklega þessum nýja vegi og að grafa eigi í burtu stóran hluta Breiðumýrar.

Athygli vakti að hver einasti skráður íbúi í Suðurtúni skrifaði undir mótmæli í janúar 2008 við því að þessi nýji vegur yrði á skipulagi sunnan Suðurtúns.

Þetta brölt er því miður í óþökk meginþorra Álftnesinga og er troðið í gegn um bæjarstjórn af bæjarstjóra á afar lélegum forsendum, svo ekki sé meira sagt.

Ég hef nýverið lýst hér á síðunni tilburðunum varðandi samninga við Búmenn og Ris ehf.

Guðmundur

Ice shave Álftnesinga

Á fundi bæjarráðs Álftaness í gær var á dagskrá að minni beiðni staða í bæjarstjórn eftir óvenjulega atburðarrás frá 24. júlí sl. svo sem fram kemur hér á síðunni.

Á fundinum lagði ég fram þessa bókun:
,,Óska eftir því að upplýst sé nú á fundinum hver staða bæjarfulltrúa Á – lista og fyrrum bæjarfulltrúa Á – lista er. Því hefur verið lýst yfir að ekki sé lengur meirihluti Á – lista í bæjarstjórn. Uppnám er í bæjarstjórn vegna þess að bæjarfulltrúar Á – lista og áður bæjarfulltrúar Á – lista höfnuðu samstarfi við Kristján Sveinbjörnsson, eftir að úrskurður ráðuneytis lá fyrir um endurkomu hans. Formaður bæjarráðs hefur skv. yfirlýsingu dags. 27. júlí sl. sagt sig af Á – listanum, hafnað samstarfi við Kristján og gagnrýnt bæjarstjóra vegna vinnubragða, framkomu og ýmsa málsmeðferð á vettvangi meirihluta. Ljóst virðist að meirihluti bæjarfulltrúa vilji að bæjarstjóri víki. Það er óþolandi að bæjarstjóri haldi bæjarstjórn í gíslingu, þar sem fjóra þarf til boðunar aukafundar bæjarstjórnar eða að bæjarstjóri boði slíkan fund. Óska eftir að yfirlýsing formanns bæjarráðs sé bókuð í fundargerðina.”

Svar fulltrúa Á – lista og nú óháðs formanns bæjarráðs var á þá leið unnið væri að endurnýjun samstarfssamnings, enginn væri málefnaágreiningurinn og að bæjarstjóri starfi í umboði þeirra sem kjörnir voru af Á – lista. Formaður lét ekki eftir mér að bóka yfirlýsinguna í fundargerðina.

Ja há. Samstarfssamning Á – lista hef ég ekki heyrt um fyrr, þau tala nú eins og að um hafi verið að ræða kosningabandalag. Athyglisvert er að þessir fjórir fulltrúar hafa ekki enn náð lendingu eftir allan hamaganginn og innbirðis brigslyrði þeirra. Svo langt gekk bæjarstjórinn í að reyna að gera fulltrúa D – lista samábyrga fjárhagssukki hans, að hann var tilbúinn að fórna öllu til, meira að segja félögum sínum. Það gekk bara ekki upp og nú er ólmast í því að ,,berja í brestina.“ Hver niðurstaðan verður, veit enginn.

En er verjandi að bjóða Álftnesingum upp á svona trakteringar?

Ég hef áður líkt hamagangi bæjarstjórans við útrás hér á síðunni í eftirlitslausu skjóli hinna bæjarfulltrúanna Á – listans. Þessi útrás hans er engu betri en bjálæðislegir fjárglæfrar útrásarinnar, sem smátt og smátt er verið að upplýsa þjóðina um síðustu vikur. Auðvitað í minni skala hér, enda bæjarsjóður með takmarkað þol í milljörðum talið. Þó hefur tekist að koma skuldum og leiguskuldbindingum nálægt 6 milljörðum eða meira en sexfaldar árstekjur, miðað við síðustu samþykktir bæjarstjórnar og bæjarráðs. Það var strax 2006 hafist handa við innistæðulausar samþykktirnar, svo sem 33% lækkun leikskólagjalda, heimgreiðslur til foreldra ungra barna, skólamáltíðir greiddar niður langt umfram eðlileg mörk. Fasteignagjöld voru hækkuð á tveimur árum um 52%, unnið var nýtt deiliskipulag miðsvæðis fyrir tæpar 60 milljónir, þar af um 10 milljónir í forhönnun menningarhúss og hótels. Innborgun kr. 400 milljónir vegna sölu íþróttahússins til Fasteign hf var eytt, nema 50 milljónum, sem fór til niðurgreiðslu skulda. Þrátt fyrir tal bæjarstjóra um að öll upphæðin færi til greiðslu skulda bæjarsjóðs. Samningar um kaup á landi voru gerðir, sem m.a. að hluta gengu til baka vegna vanefnda. Loforð um stórkostleg uppkaup lands voru gefin, sem síðan tóks ekki að efna. Viljayfirlýsingar um kaup á landi hrönnuðust upp. Eyðslan var í algleymi á árunum 2006, 2007 og 2008, en um haustið féll spilaborgin og þá í október 2008 virtist það koma bæjarstjóra í opna skjöldu að illa hafi farið.

Allan tímann fram að þessu var þó sagt, þetta er ekkert mál, milljarðarnir munu flæða í bæjarsjóð á árunum 2007, 2008 og 2009, bara ártalinu seinkað eftir því sem við átti.

Engir komu nú milljarðarnir, en ársreikningur 2007 sýnir best hve bratt var keyrt og þrátt fyrir alvarlegar athugasemdir og viðvaranir fulltrúa D – lista, var áframt keyrt með bros á vor um víðáttubreiðar gleðinnar dyr Á – listans.

Það er nú bara einfaldlega þannig að hagsveiflur á Íslandi hafa verið því miður viðvarandi vandamál á vissra ára fresti. Staða bæjarsjóðs um áramótin 2007/2008 var hrikalega slæm og þegar fjármálakreppa kom ofan í allt óráðið, var ekki við neitt ráðið. En enn er bætt í og gerðir nú í maí til júlí sjö samningar við Ris ehf. m.a. um uppbyggingu á miðsvæðinu, gatnagerð, kaup á landi í þeirra eigu, sala á byggingarrétti á miðsvæðinu, leigusamningur um húsnæði á miðsvæðinu, uppbyggingu á vegum Búmanna vegna bráðabirgðaaðstöðu fyrir skrifstofur bæjarfélagsins og rúsínan í pylsuendanum og sjöundi samningurinn er krafa frá viðskiptabanka Búmanna, Álftaness og Ris um að Ris stofni nýja kennitölu vegna verkefnis Búmanna á Álftanesi, vegna framkvæmdaláns til verkefnisins.

Vesenið í þessum samningum er aðallega það að tekjur í bæjarsjóð eru búnar til með sölu byggingarréttar, t.d. Búmenn 330 milljónir, sem síðan eru leigðar til baka í húsnæði. Þannig myndast tekur í bæjarsjóð á árinu 2009 og því lagar þessi sjónhverfing bæjarsjóð árið 2009, enda er það megin tilgangurinn. Það sem síðan gerist er að smátt og smátt koma til skjalana áhrif leigusamninganna á árunum 2011 til 2012, sem sagt vandanum er frestað og viðtakandi bæjarstjórn situr uppi með hrikalegt vandamál sem búið hefur verið til.

Vá maður – myndi nú vafalaust einhver segja.

Álftnesingar sitja uppi með það sem ég vil kalla Ice shave, mætti útleggjast ,,krúnurakaðir“ með skýrskotun til stóra klúðurssamningsins, sem alþingi er að glíma við þessa dagana. Sem sagt því miður eitt stórbrotið klúður, það sem af er kjörtímabilinu í boði þeirra fulltrúa, sem kjörnir voru af Á – lista til ábyrgðar í bæjarstjórn Álftaness í lok maí 2006. En þessir fjórir fulltrúar kjörnir af Á – lista eru nú í þrennu lagi – 2 + 1+ 1 !!!

Ég flutti þessa tillögu á fundi bæjarráðs í morgun:
,,Bæjarráð samþykkir að unnið verði endurskoðað uppgjör janúar til júní 2009. Lagt verði mat á viðbótarskuldbindingar skv. samningum og samþykktum bæjarstjórnar og bæjarráðs frá júní til júlí, ásamt mati á samþykktum viljayfirlýsingum á kjörtímabilinu, skoðun á skuldastöðu og leiguskuldbindingum. Skoðuð verði m.a. áhrif mögulegrar skaðabótagreiðslu vegna Miðskóga 8 og mögulegrar sáttagjörðar vegna dómsmáls eigenda Akrakots. Lagt verði mat á hæfi bæjarsjóðs til greiðslu allra skulda og leiguskuldbindinga og hve mörg ár það taki bæjarsjóð að greiða að fullu. Að gefnum eðlilegum forsendum tekna og þróunar rekstrarkostnaðar að mati endurskoðenda. Uppgjörið verði tilbúið á fyrsta fundi bæjarráðs í september.”

Ekki treysti fulltrúi Á – lista og óháður formaður bæjarráðs sér til þess að taka afstöðu með eða á móti því afgreiðslu tillögunnar var frestað, en þær bókuðu að það gæti verið sniðugt að vinna að uppgjöri með sem minnstum tilkostnaði.

Guðmundur

Bæjarstjórinn - fortíðin,nútíðin.

Í orrahríð undanfarinna daga og ótrúlegri stöðu í bæjarmálunum, hafa dunið á okkur bæjarfulltrúum á Álftanesi og þeim sem með okkur standa, símtöl, samtöl, tölvupóstar, bréf, sem sagt alls herjar hvatning.

Vissulega er þessi hvatning með ýmsum hætti, eftir því sem við á í hverju tilviki.

Svo sem ég lýsi í pistlinum hér næst á undan, þá er nú atburðarrásin og framvindan með miklum ólíkindum.

Ég hef þá skoðun, eftir að hafa tekið saman í kollinum all einkennilega atburðarrásina frá því síðastliðinn föstudag, að bæjarstjórinn hafi ætlað sér, allt frá því í október sl. að ,,ná fulltrúum D - lista" - tveimur eða þremur inn í meirihlutann. Óháð því hvaða afleiðingar það hefði fyrir framboð Á - listans. Til samábyrgðar á hraklegri stöðu bæjarsjóðs.

Ég reikna alls ekki með að bæjarstjórinn hafi reiknað með að fulltrúar D - lista myndu svara neitandi beiðni hans og Kristínar Fjólu Bergþórsdóttur einu fulltrúa Á - lista í dag í bæjarstjórn um viðræður um myndun nýs meirihluta bæjarstjórnar.

Sú staða að bæjarstjórn er í fjórum hlutum (3+ 2+ 1 + 1), er bísna sérkennilegt og staðan er enn flóknari, þar sem fimm af sjö bæjarfulltrúum vilja að bæjarstjóri víki. Ekki er hægt að halda aukafund í bæjarstjórn, það þarf fjóra til. Bæjarstjórnin er því í gíslingu bæjarstjóra.

Aftur til upphafs þessa pistils, þá í samtali nú áðan, sagði mér ágætur maður farir sínar ekki sléttar í samskiptum við bæjarstjórann hér á árum áður.

Eftir að þessi ágæti maður hafði gefið mér greinargóða lýsingu á sínum samskiptum og nokkurra annarra við Sigurð Magnússon bæjarstjóra á Álftanesi, frá fyrri tíð, þá spurði ég ,,en af hverju segir þú og þessir menn sem hafa haft samskipti við manninn, ekki frá á opinberum vettvangi?" ,,Af hverju að láta þennan mann valda meira tjóni en orðið er?"

Svarið var einfalt:
,,Við nenntum ekki að ólmast í manninum, ég og mínir félagar tókum á sínum tíma það sem Siggi kallaði ,,málverk" metið af honum á 3,5 milljónir upp í tugmilljóna misferli og létum það nægja. Við hefðum hvers sem ekki ekki náð neinum árangri með kostnaðarsömum innheimtuaðgerðum á manninn."

Ég svaraði ,,Já hérna hér og við Álftnesingar fáum að blæða vegna frammistöðu mannsins."

Það sem mér finnst svo kostulegt er að þeir sem áttu viðskipti við Sigurð Magnússon bæjarstjóra frá fyrri tíð, skuli ekki hafa komið á framfæri skoðunum sínum a.m.k. við Álftnesinga, til að vara okkur við ósköpunum.

Er ekki full ástæða til þess nú við vægast sagt erfiðar aðstæður á Álftanesi, þar sem bæjarstjórinn heldur bæjarstjórninni í gíslingu í skjóli lélegra laga sem gera ekki ráð fyrir vitleysunni sem fær að viðgangast hér, að þessir ágætu menn sem höfðu samskipti við Sigurð á sínum tíma með döprum árangri og miklum fjárhagslegum hremmingum gefi sig fram og segi Álftnesingum frá?

Hvað segja þeir sem komu á einn eða annan hátt að málum varðandi fyrirtæki, sem Sigurður var framkvæmdastjóri fyrir og í sumum tilfellum meðeigandi eða aðaleigandi að. Hvað segir þessi upptalning:

Rafver
Ísvör
Gullfoss bílaleiga
Margfeldi

Framferði bæjarstjórans í skjóli ,,sinna" fulltrúa Á - listans og áður Á - listans stendur okkur Álftnesingum alveg ljóslifandi fyrir augum. Er ekki mál að linni?

Er ekki kominn tími til þess að við hreinsum andrúmsloftið í ljósi aðstæðna, með heill og framtíð Álftnesinga og bæjarfélagsins að leiðarljósi?

Guðmundur

Bæjarstjórn Álftaness, staða mála.

Svo sem ljóst af skrifum í síðasta pistli, þá ríkir upplausnarástand í bæjarstjórn Álftaness. Þrír fulltrúar Á - lista, Sigurður Magnússon, Kristín Fjóla Bergþórsdóttir og Margrét Jónsdóttir, hafna samstarfi við Kristján Sveinbjörnsson, sem skv. úrskurði ráðuneytis kemur í bæjarstjórn, eftir að hafa beðist lausnar í kjölfar óheppilegra tölvuskeytasendinga fyrr í vetur. Auk þessa hefur Margrét sagt sig frá Á - listanum með kjarnyrtri yfirlýsingu sl. mánudag. Í yfirlýsingu Margrétar kemur fram hörð gagnrýni á vinnubrögð bæjarstjóra.

Að minni tillögu samþykktu bæjarfulltrúar D - lista að boða til bæjarstjórnarfundar kl. 12 í dag. Var það gert í trausti þess að Margrét Jónsdóttir væri tilbúin að styðja þann gerning. En við þrjú fulltrúar D - lista getum ekki lögum skv. boðað fund, en það geta að sjálfsögðu fjórir af sjö fulltrúum. Ekkert verður af fundinum, þar sem Margrét hefur hafnað beiðni um viðræður um myndun nýs meirihluta bæjarstjórnar.

Nú horfir svo við að eftir allt yfirlýsingaskakið núverandi og fyrrum fulltrúa Á - lista að þau haldi enn meirihluta í bæjarstjórn. Eða að bæjarstjórn er nú í gíslingu umboðslauss bæjarstjóra.

Bæjarfulltrúarnir Sigurður, Kristín Fjóla og Sigurbjörn Úlfarsson óskuðu eftir því formlega á sunnudagskvöldið sl. að fram færu viðræður við fulltrúa D - lista um myndun nýs meirihluta í bæjarstjórn.

Fulltrúar D - lista héldu tvo fundi til að fara fyrir beiðnina og stöðuna. Beiðninni var hafnað á fundi, sem hófst kl. 18 í gær og var þeim boðum komið til þeirra, sem fóru fram á viðræðurnar.

Í framhaldi var haft samband við Margréti og óskað eftir því að fulltrúar D - lista og hún hæfu viðræður um myndun nýs meirihluta bæjarstjórnar.

Með símtali var hún látin vita af þessum áhuga fulltrúa D - lista og formaður Sjálfstæðisfélagsins og ég fórum heim til Margrétar á þeim tíma, sem hún vissi að við myndum mæta til hennar, til þess að bera upp beiðnina formlega. Við tveir gripum í rómt, hún var úti í löngum göngutúr!!!!! Ég sendi síðan beiðni okkar fulltrúa D - lista Margréti í tölvupósti í gærkvöldi.

Ég fékk vitneskju um það klukkan rúmlega 20 í gærkvöldi að búið væri að boða fund tveggja fulltrúa Á- lista og tveggja fyrrum fulltrúa Á - lista og þeirra stuðningsfólks.

Í skeyti snemma í morgun hafnar Margrét beiðni fulltrúa D - lista.

Nú er það svo að bæjarstjórninni er haldið í gíslingu umboðslauss bæjarstjóra, það er grafalvarlegt mál. Án hans aðkomu eða einhvers hinna fulltrúa Á - lista og fyrrum fulltrúa Á - lista er ekki hægt að boða fund bæjarstjórnar!!!!!

Þvílíkur cirkus.

Guðmundur

Meirihluti Á - lista í bæjarstjórn fallinn.

Þau tíðindi hafa gerst að meirihluti Á - lista í bæjarstjórn Álftaness er fallinn. Þau fjögur, sem tilheyrt hafa meirihlutanum eru nú í þremur hlutum:
a) Sigurður bæjarstjóri og Kristín Fjóla
b) Margrét Jónsdóttir
c) Kristján Sveinbjörnsson

Sigurður, Kristín Fjóla og Margrét hafna samvinnu við Kristján eftir að Samgönguráðuneytið úrskurðaði á fimmtudaginn var að hann ætti rétt á endurkomu í bæjarstjórn.

Sigurður og Kristín Fjóla hafa óskað eftir því við fulltrúa D - lista að viðræður hefjist um myndun nýs meirhluta bæjarstjórnar.

Aðal- og varabæjarfulltrúar D - lista ásamt stjórn Sjálfstæðisfélagsins héldu fund í gærkvöldi, þar sem þessi staða og beiðni Sigurðar og Kristínar Fjólu var rædd, án þess að niðurstaða fengist.

Guðmundur

Bréf til íbúa í Suðurtúni, borið út í dag.

Ágætu íbúar Suðurtúni Álftanesi.Á síðasta fundi bæjarráðs Álftaness 9. og 13. júlí sl. voru til afgreiðslu nokkrar tillögur fulltrúa Á–lista, sem vörðuðu m.a. eftirfarandi samninga um:

• gatnagerð á miðsvæðinu við Ris ehf fyrir 62% af áætlaðri verkupphæð.
• ,,sölu” byggingarréttar á lóð ,,1” á miðsvæðinu til Ris ehf.
• ,,sölu” byggingarréttar á lóð ,,2” á miðsvæðinu til Ris ehf.
• leigu hluta húsnæðis sbr. byggingarrétt á lóð ,,1” - Ris ehf.
• ,,kaup” á Sveinskoti og landi umhverfis af Ris ehf.

Áður höfðu fulltrúar Á–lista samþykkt aðild bæjarfélagsins að samningum Búmanna við Ris ehf. um að byggja m.a. aðstöðu til bráðabirgða fyrir skrifstofur bæjarfélagsins. Þeir samningar verða að hluta fjármagnaðir með lánsloforði frá Íbúðalánasjóði kr. 750 milljónir á grundvelli þess að verið sé að byggja fyrir eldri íbúa, þeim hópi er ekki ætlaður nema óverulegur hluti hússins og það jafnvel næstu 15 - 20 ár.

Það athyglisverða gerðist á þessum fundi bæjarráðs (þ.e. framhaldi fundarins mán. 13. júlí sl.) að á fundinn barst fyrirvaralaust, yfirlýsing að kröfu Kaupþing banka hf um að Ris ehf stofni um framkvæmdina sér fyrirtæki með nýrri kennitölu. Mál nr. 22 á fundinum. Skv. yfirlýsingunni fær fyrirtækið heitið Ris Álftanes ehf. Kaupþing banki hf. hefur veitt Ris ehf. lánsloforð til byggingarinnar fyrir Búmenn kr. 450 milljónir og grundvöllur lánsins er að nýtt fyrirtæki sé stofnað um framkvæmdina, sem er þá væntanlega gert til þess að forða því að slík lánafyrirgreiðsla lendi mögulega í vandræðum á eldri kennitölu Ris ehf. Allt heila er síðan samþykkt með undirritun Búmanna í nefndri yfirlýsingu.

Fundargerð síðasta fundar bæjarráðs er athyglisverð: Heimasíðan http://www.alftanes.is undir stjórnsýsla.

Með því að skoða fundargerðina, þá getur hver og einn myndað sér skoðun á þessum málatilbúnaði.

Rétt er að skýra frá því að með samningi um gatnagerð á miðsvæðinu hefst vinna við lagningu svokallaðs Skólavegar sunnan Suðurtúns. Í gatnagerðinni felst m.a. lagning vegar frá Norðurnesvegi að skólasvæðinu sunnan Suðurtúns. Enginn vafi er að gerð vegarins og umferð um hann mun hafa nokkur áhrif á íbúa og eigur þeirra í nágrenninu.

JÁ – það er vegurinn sem allir íbúar Suðurtúns með tölu, mótmæltu svo eftirminnilega í byrjun árs 2008 að yrði á breyttu aðalskipulagi, sem þá var til kynningar og athugasemda. Ekki var nú hlustað á rök íbúanna. Nú lýtur allt út fyrir að framkvæmdir hefjist næstu daga við þennan umdeilda veg.

Það setur að mér og fleirum nokkurn hroll. Skyldi bæjarstjórinn reyna fyrir sér með samninga við Ris ehf um byggingarrétt á blokkarlóðunum, sem ætlað er að rísi í vegstæði Norðurnesvegarins sbr. breytt aðalskipulag, þar sem honum virðist ,,ganga vel” í sölumennskunni þessa dagana? Bæjarstjórinn hefur þegar gert viljayfirlýsingu við landeiganda um kaup á landi undir veginum fyrir um 120 millj.

Álftanesi 16. júlí 2009
Með bestu kveðjum, Guðmundur G. Gunnarsson bæjarfulltrúi og í bæjarráði Álftaness (netfang: agoggg@gmail.com )

Kennitöluflakk með velþóknun Nýja Kaupþing banka

Á sex tíma fundi bæjarráðs sem lauk í gær, sem var framhald fundar frá fimmtudeginum 9. júlí sl. var nokkuð tekist á um það hvort gera eigi marga samninga við Ris ehf.

• Samning um gatnagerð vegna framkvæmda fyrir Búmenn á miðsvæðinu,
• tvo samninga um sölu byggingarréttar,
• leigusamning við Ris um stóran hluta húss á miðsvæðinu
• kaup bæjarfélagsins á Sveinskoti í eigu Ris ehf.

En auk þessara samninga er Ris ehf. með samning við Búmenn og Álftanes um að reisa m.a. bráðabirgðaskrifstofur með lánsloforði frá Íbúðalánasjóði, sem veitt er á grundvelli þess að byggja eigi fyrir eldri íbúa.

Þegar fundarboðið var sent út mánudaginn 6. júlí var þess hvergi getið, hvorki í fundarboði eða í fundargögnum að keyra ætti í gegn svo umfangsmikla samninga. En vegna þess að gögn vegna útboðs á gatnagerð, mál 9, voru ekki tilbúin fyrr en á fundinum, var að tillögu bæjarstjóra samþykkt að fresta fundinum til hádegis í gær. Þegar þessi tillaga um að fresta máli 9, óskaði ég eftir að taka til máls og sagði það augljóst að fresta ætti málunum hinum, sem varðaði Ris, þeim sem ég tel hér upp að framan. Við því varð orðið. Reyndar vafðist þetta atriði eitthvað fyrir fulltrúum Á - lista á framhaldi fundarins í gær og töldu að þau hefðu haft frumkvæði að því að fresta stóra pakkanum gagnvart Ris ehf. Það skiptir í raun engu máli hvað var hvort, fyrst ákveðið var að fresta fundinum. Í upphaflegri áætlun fulltrúa A - lista ætluðu þau að keyra allan þennan pakka í gegn á fundinum á fimmtudaginn, það stóð aldrei til að fresta fundinum. Það var í raun bara uppákoma í öllum flumbruganginum í aðdraganda fundarins.

Vinnubrögð og stjórnsýsla fulltrúa Á - listans er með algerum ólíkindum.

Þau hömuðust á því í mikilli vandlætingu, hvað mér gengi til með tillögum mínum og bókunum á bæjarráðsfundinum í gær. Ég væri að gagnrýna þau vegna vinnubragða við að ná inn auknum tekjum í bæjarsjóð!! og vegna samninga við fyrirtæki í góðri stöðu, sbr. fundargerð fundar bæjarráðs.

Í upphafi framhalds fundarins í gær var lagt fram lítið og mjög ,,saklaust" bréf = ,,Yfirfærsla á samningum," og varð það erindi nr. 22 á fundinum.

Í erindinu, sem samþykkt var af fulltrúum Á - lista með velþóknun, er samþykkt að Ris ehf. skipti um kennitölu varðandi verkefni fyrir Búmenn á Álftanesi. Plagg þetta er samþykkt með velþóknun Kaupþing banka hf. í eigu ríkisins. Skipt verður um kennitölu á Ris ehf. og fyrirtækið nefnt Ris Álftanesi ehf. vegna verkefna fyrir Búmenn á Álftanesi. Það er greinilega ýmislegt á sig leggjandi að mati eigenda Ris ehf.

Já hérna hér, það er ákveðið af Kaupþing banka hf. í eigu ríkissjóðs að lána í verkefnið allt að kr. 450 milljónum með því skilyrði að verktakinn skipti um kennitölu áður en verk er hafið (fyrsta skóflustunga í dag) og auk þessa taka þátt í leiknum Íbúðalánasjóður með lánsloforð um 750 milljónir til Búmanna. Allt gert með endanlegri samþykkt Búmanna á herlegheitunum.

Staða Ris ehf. virðist þannig að mati Kaupþing banka hf. að ekki er treyst á það að veita lánafyrirgreiðslunni til þeirrar kennitölu, sem fyrirtækið hefur verið rekið á um langt árabil. Íbúðalánasjóður virðist ætla að dingla með í kennitöluleik Búmanna og Ris ehf.

Til þess að átta sig betur á samhenginu er gott að skoða fundargerð bæjarráðs frá 108 fundi dags. 9. júlí 2009. Fundargerðin er á heimasíðunni alftanes.is

Það var einhver drungi yfir öllu þessu máli og einkennilegheit á fundi bæjarráðs á fimmtudaginn og mánudaginn, en ég gerði mér ekki grein fyrir því að subbuskapnum er engin takmörk sett, eða hvað?

Guðmundur

Heilindapróf

Það rifjast ýmislegt upp fyrir mér, þegar horft er yfir svið atburðarrásar frá júní 2006 til þessa dags varðandi stjórnsýslu Álftaness og tilburði fulltrúa Á - listans.

Það var á fundi Sambands íslenskra sveitarfélaga á Nordica hótel í Reykjavík í september 2006 að þar hitti ég að máli þáverandi félagsmálaráðherra og ráðherra sveitarstjórnarmála Árna Magnússon.

Við ræddum aðeins úrslit sveitarstjórnarkosninganna frá því þá um vorið. Ég sagði honum þá skoðun mína að allir, sem gæfu kost á sér til sveitarstjórnarkjörs ættu að gangast undir eins konar heilindapróf. Skyndipróf í hæfni og öðru slíku, sem varðar þau stóru mál, sem lögum samkvæmt þarf að leysa úr við stjórn sveitarfélags. Árna fannst hugmyndin athyglisverð og spurði hvað ég ætti við nánar.

Ég skýrði honum frá því að auðvitað lægi niðurstaða kosninganna klár hvað Álftanes varðaði, en þar væru komnir við stýrið tveir menn, Sigurður Magnússon og Kristján Sveinbjörnsson, sem ég treysti engan vegin og svo ætti við um fleiri, sömu skoðunar.

Það er erfitt að sætta sig við að fulltrúar Á – lista hafa spilað fjárhættuspil með bæjarsjóðinn, sjóð íbúanna. Hrikaleg þróun stöðu bæjarsjóðs síðan þeir félagar hófu hina einkennilegu ,,Álftanes útrás." Útrás, sem engu gat skilað, öðru en brotlendingu. Sú staðreynd blasir við að í gegn um tíðina upplifum við íslendingar miklar sveiflur í hagkerfinu, það mun tæplega breytast neitt að ráði. Því ber að stíga varlega til jarðar, þegar kemur að vali á eyðslu til ,,gæluverkefna“ í þessu einkennilega sveifluhagkerfi þjóðarinnar, einkum þegar litið er til smæðar bæjarfélagsins.

Staða bæjarsjóðs var orðin mjög alvarlega löskuð um áramótin 2007 / 2008.

Þegar fjármálakreppa skellur á síðastliðið haust, þá sér hver heilvita maður að vandinn minnkar ekki. Að skulda um síðustu áramót yfir 5 faldar áætlaðar árstekjur 2009 hlýtur að valda mönnum miklum áhyggjum.

Guðmundur

Útrásin á Álftanesi

Greinar mínar tvær í Morgunblaðinu þann 19. og 27. júní sl hafa fengið mikil viðbrögð og ekki síður hafa viðbrögð bæjarstjóra, í grein sem birtist í Mogga 22. júní sl. vakið verðskuldaða athygli.

Ég hef verið beðinn um það sérstaklega að gera grein fyrir einstaka þáttum Álftnesku ,,útrásarinnar." Ég fór frekar almennum orðum um ,,útrás" Á - listans í greininni í Mogga þann 19. júní sl, en mun á næstu dögum gera ítarlegri grein fyrir í hverju ,,útrásin" var helst fólgin og hvar gífurleg áhætta lá undir.

En eðli máls samkvæmt, þá er ekki gert ráð fyrir því að hægt sé að ,,spila fjárhættuspil" með bæjarsjóð, en að mínu mati var það svo sannarlega gert.

Mér rennur til rifja hvernig framkoma fulltrúa Á - listans við sjóð íbúanna hefur verið þetta kjötrímabil. Ráðdeild er að því er virðist útópía, allt var opnað upp á gátt. Síðan brestur á skellurinn í byrjun október sl. og þá var eins og blautri tusku væri lamið í andlit bæjarstjórans.

Það er ekki verjandi á nokkurn hátt að ,,teknir séu sénsar" með lítinn bæjarsjóð, eins og okkar. Og í raun er ekki leyfilegt að haga sér af léttúð með nokkurn sjóð sveitarfélags yfirhöfuð.

Ábyrgð fulltrúa Á - lista er geysimikil. Eru viðurlög við þessari háttsemi? Nei - ekki svo vitað sé. Labbaði fyrrverandi forseti bæjarstjórnar frá borði eftir ævintýrið með tölvupóstinn á Grand hótel. Hver er ábyrgð mannsins á gerðum hans, sem bæjarfulltrúi? Því miður - engin. Fleyg voru ummæli hans á fundi bæjarstjórnar, þegar fulltrúar Á - lista voru að réttlæta fjárausturinn í sundlaugarmannvirkinu:

Við vildum vera flott á því og því eru TVÖ HUNDRUÐ MILLJÓNIR í viðbót ekkert tiltökumál, enda er upphæðin öll tekin að láni.

Þetta er nú kannski kjarni málsins um viðhorfið, eða hvað?

Ég mun taka saman nokkur atriði, sem skýra ,,útrásina" með því að nefna til sögunnar nokkrar innistæðulausar ákvarðanir fulltrúa Á - lista og birta hér á blogginu innan skamms.

Guðmundur

Útrásarvíkingurinn á Álftanesi

Grein bæjarstjórans í Mogga frá 22. júní sl. var andsvar hans við grein minni í Mogga þann 19. júní sl. Ég sá ástæðu til að svara í nokkrum orðum þessari grein.

Svar grein mín var birt í Mogga 27. júní sl. Hún er orðrétt hér:


Ég sé ástæðu til að koma ábendingu að varðandi svar bæjarstjórans á Álftanesi í Morgunblaðinu sl. mánudag. En hann var víst að svara grein minni frá því 19. júní sl.

Bæjarstjórinn skautar yfir alvarlegustu efnisatriðin í grein minni með skætingi, m.a. með skrípalegum túlkunum á mínum skrifum. Hann gerir ámátlega tilraun til þess að draga fjöður yfir þá staðreynd að ,,útrás” bæjarstjórans á yfirstandandi kjörtímabili, klikkaði.

Það blasti við að loknum kosningum 2006 einstakt tækifæri til þess að búa svo um hnútana á Álftanesi að hagsæld íbúa og þjónusta við þá myndi aukast. Þessu frábæra tækifæri klúðruðu fulltrúar Á – listans, svo eftirminnilega. Það þarf einungis að bera saman ársreikninga 2005, 2006, 2007 og 2008 til þess að átta sig mjög vel á þróun mála á Álftanesi.

Það einkennilegasta í tilskrifum bæjarstjórans er að hann hafnar því að Á – listi beri ábyrgð á alvarlegri stöðu bæjarsjóðs. Hann segist einungis hafa verið að hreinsa upp eftir fyrri bæjarstjórn! Ha, hvað – í heil þrjú ár?

Bæjarstjóri segir vegna Bessans: ,,eru bæjaryfirvöld að leysa úr gömlu deilumáli frá stjórnartíð Guðmundar, þegar hann seldi verslunarlóð Bessans til annarra aðila og hugðist þannig með vafasamri stjórnsýslu fara fram með valdhroka gegn eigendum Bessans.” Ja hérna, hvað í ósköpunum á maðurinn við? Er hann að meina að lóð Bessans hafi verið seld öðrum? Tæplega getur bæjarfélagið selt lóð, sem það á ekki! Eða er hann að meina að lóð, sem Bessinn ætlaði sér annars staðar á miðsvæðinu, hafi verið seld öðrum? Þetta er fráleitt og alger tilbúningur.

Það var ekkert ,,gamalt deilumál” í gangi varðandi Bessann á síðasta kjörtímabili. Eigandi Bessans hélt því fram með aðstoð lögmanns að hann væri órétti beittur, það voru engar deilur. Hins vegar er það bísna ógeðfellt að bæjarstjóri beiti sér fyrir samningum við eiganda Bessans á grundvelli ósvífinna tilburða og ,,aðstoðar” eigandans í kosningabaráttu Á – listans vorið 2006. Það kalla ég siðblindu og spillingu. Þetta mál liggur ljóst fyrir og er enginn ,,arfur frá stjórnartíð Guðmundar.” Hér er á ferðinni purrkunarlaust óþverramál, þar sem bæjarstjóri fer bísna frjálslega með almannafé á fölskum forsendum.Lokaorð greinar bæjarstjóra er því miður ekki svara verð. Bæjarstjórinn hefur gjarnan þennan háttinn á í áróðri sínum, til að villa um fyrir Álftnesingum.

Guðmundur

Bæjarstjóri svarar grein í Mogga dags. 19. janúar sl.

Bæjarstjóri svarar grein minni í Morgunblaðinu 22. júní sl.

Greinin mín í Mogga frá 19. júní sl. er hér á blogginu.

Með því að nafngreina mig í fyrirsögn ,,svargreinarinnar“ – þá reiðir bæjarstjóri hátt til höggs, svo líkur séu á að ég ,,gantist“ ekki frekar með erfiða fjárhagsstöðu Álftaness. Með því að nafngreina mig í fyrirsögninni, er ljóst að bæjarstjóri er reiður, þolir ekki réttmæta gagnrýni á ónýtar og fífldjarfar áætlanir fulltrúa Á – listans á árunum 2006, 2007 og 2008, óráðssíu og sukk.

Ég vil gera grein fyrir afstöðu minni til skrifa bæjarstjóra í Mogga þann 22. júní sl.

Ansi er hún ný rýr í roðinu grein bæjarstjórans, þar sem hann velur að skuata hjá megin efnisatriðum í minni grein og grípur til skætings í staðinn. Það er reyndar hans háttur, hvort sem um er að ræða greinaskrif sem þessi eða mögnuð ræðuhöld á bæjarstjórnarfundum.

Bæjarstjóri segir ,,gantast Guðmundur … með erfiða stöðu bæjarsjóðs“ ,,hann kennir stjórnleysi núverandi meirihluta Á – lista um og gerir sem minnst úr afleiðingum efnahagshrunsins."

Við lestur greinar minnar er auðvelt að sjá að ég hvorki gantast með erfiða stöðu fjármála né segi eða gef í skyn að alvarleg staða fjármála bæjarfélagsins nú sé núverandi meirihluta að kenna. Ég segi einfaldlega að þegar fjármálahrunið reið yfir, hafi fjárhagstaða bæjarsjóðs þá þegar verið orðin mjög erfið, vegna stefnu Á – listans.

Ég er einfaldlega að lýsa vonbrigðum mínum með fífldjarfar og dýrar áætlanir fulltrúa Á – lista, sem skila íbúum hræðilegri fjárhagsstöðu. Slík háttsemi, sem þeirra allt frá kjördegi 2006, eru mikil vonbrigði og ber ekki vott um ráðdeild. Það sýnir samanburður ársreikninga 2005, 2006, 2007 og 2008.

Bæjarstjóri segir að ég hafi lagt til að ,,Sjálfstæðisfélagið á Álftanesi bjóði ekki fram næsta vor undir merkjum D – listans, heldur opni listann fyrir fólki sem hafnar aðild að flokknum.“ Þetta er afar sérkennileg túlkun á pistli, sem ég setti hér á bloggið í janúar og fjallar um þá skoðun mína að æskileg sé umræða um að Álftnesingar hafi val um það hvort viðkomandi sé í Sjálfstæðisfélaginu og jafnframt í Sjálfstæðisflokknum. Þessi túlkun bæjarstjóra er út í hött, eins og hægt er að skoða með lestri þess pistils, sem hægt er að finna í janúarskrá bloggsins.

Bæjarstjóri kemst að þeirri niðurstöðu að skuldir ,,D – lista“ á miðju ári 2006 hafi verið 1.500 milljónir. Eftir kosningar vorið 2006 létu fulltrúar Á – lista ,,gera úttekt“ á stöðu bæjarsjóðs. Sú úttekt var í meira lagi skrautleg og að hætti Á - listans. Eðlilegt er að benda á fjárhagsstöðu í ársreikningi 2005, en þá eru skuldir bæjarsjóðs um 950 milljónir.

Bæjarstjóri segir að eina lánið, sem tekið var á árinu 2006 sé 100 milljóna kr. lán vegna endurgreiðslu til Eirar, sem hætt hafi við framkvæmdir á miðsvæðinu. Það rétta er að bæjarstjóri flæmdi Eir frá undirrituðum áformum sínum, því var útlagt fé Eirar endurgreitt. Hann segir jafnframt að síðar hafi lóðin verið seld fyrir þrefalt hærra verð. Lóðin var að hluta sett inn í samninga við Búmenn á yfirverði, til þess að góð staða myndist í ársreikningi. Síðan leigir bæjarfélagið upphæðina til baka með byggingarkostnaði. Er það fjármálasnilld?

Bæjarstjóri segir að engin lán hafi verið tekin á árinu 2007. Hið rétta er að íþróttamiðstöðin var seld fyrir um 600 milljónir, þar af fóru um 200 milljónir í hlutafé í Fasteign. Síðar var Fasteing seld lóðin undir íþróttamiðstöðinni á 200 milljónir og allt það fé sett í hlutafé í Fasteign. Ég tel að þessar 400 hundruð milljónir í hlutafé séu lítils virði í dag. Afrakstur sölu íþróttahússins kr. 400 hundruð milljónir fóru í hreina og klára eyðslu. Fulltrúar Á – lista sögðu reyndar að lækka ætti skuldir sem næmi þessum 400 milljónum. Skuldir á árinu 2007 lækkuðu einungis um 50 milljónir, restinni var eytt.

Hönnun sundlaugarinnar er auðvitað kapítuli út af fyrir sig, en auðvitað töldu fulltrúar D – lista að gætt yrði ráðdeildar við hönnun verksins. Það var öðru nær, niðurstaðan er vissulega glæsilegt mannvirki, sem við skulum vona að íbúar hafi áhuga á að sækja um ókomna tíð. En að hamast væri í því að gera dæmið eins dýrt og mögulegt var, það datt mér og mínum félögum ekki í hug. Og enn skal bætt við, aukaverk eru upp á tugi milljóna, sem að mestu eða öllu leiti falla á bæjarsjóð og hækkar um leið enn meir leigugjöld af herlegheitunum.

Bæjarstjóri heldur því fram að skuldir bæjarsjóðs í lok árs 2008 sé fyrri bæjarstjórnar um að kenna! Ansans ári er þetta sérkennileg yfirlýsing. Halda mætti að þau þrjú ár sem að baki eru hafi gufað upp og þá gæti einhver haldið að bæjarstjóri vildi helst að tímabil Á – listans væri þurrkað út! Séu ársreikningar 2005, 2006, 2007 og 2008 bornir saman, kemur hið sanna í ljós.

Bæjarstjóri segir: ,,Það þyrfti samsvarandi færslu á móti eigna megin, ef túlka á skuldbindingu gagnvart Fasteign vegna íþróttamiðstöðvar og sundlaugar sem skuld.“ Það er auðvitað út í hött, því að eftir 30 ára ,,leigutímabil“ Fasteignar, þarf að semja um málalok. Því er skuldin fullgild og að tala um að sú skuld sé utan efnahags, er afar ómerkileg túlkun.

Bæjarstjórinn segir mig ,,gagnrýna áform um byggingu þjónustuhúss fyrir eldri borgara.“ Ég tel að fjármögnun sé á fölskum forsendum, þar sem megin hluta framkvæmdarinnar á að nota fyrir skrifstofur bæjarfélagsins með láni frá Íbúðalánasjóði á grundvelli framkvæmdar fyrir eldri íbúa. Leigusamningur er gerður við Búmenn til 50 ára. Staða bæjarsjóðs er slík að vafasamt er að færa rök fyrir svo stórri framkvæmd nú um stundir.

Bæjarstjóri segir vegna Bessans: ,,eru bæjaryfirvöld að leysa úr gömlu deilumáli frá stjórnartíð Guðmundar, þegar hann seldi verslunarlóð Bessans til annarra aðila og hugðist þannig með vafasamri stjórnsýslu fara fram með valdhroka gegn eigendum Bessans.” Ja hérna, hvað í ósköpunum á maðurinn við? Er hann að meina að lóð Bessans hafi verið seld öðrum? Tæplega getur bæjarfélagið selt lóð, sem það á ekki! Eða er hann að meina að lóð, sem Bessinn ætlaði sér annars staðar á miðsvæðinu, hafi verið seld öðrum? Þetta er fráleitt og alger tilbúningur. Það var ekkert ,,gamalt deilumál” í gangi varðandi Bessann á síðasta kjörtímabili. Eigandi Bessans hélt því fram með aðstoð lögmanns að hann væri órétti beittur, það voru engar deilur. Hins vegar er það bísna ógeðfellt að bæjarstjóri beiti sér fyrir samningum við eiganda Bessans á grundvelli ósvífinna tilburða og ,,aðstoðar” hans í kosningabaráttu Á – listans vorið 2006. Það kalla ég siðblindu og spillingu. Þetta mál liggur ljóst fyrir og er enginn arfur frá ,,stjórnartíð Guðmundar.” Hér er á ferðinni purrkunarlaust óþverramál, þar sem bæjarstjóri fer bísna frjálslega með almannafé á fölskum forsendum.

Lokaorð greinar bæjarstjóra er því miður ekki svara verð. Bæjarstjórinn hefur gjarnan þennan háttinn á í áróðursrugli sínu, til að villa um fyrir Álftnesingum.

Þeir sem hafa áhuga á að rifja upp veruleika síðasta kjörtímabils, er bent á fundargerðir bæjarstjórnar frá síðasta kjörtímabili. Maður lifandi, þá voru nú ekki sparaðir ,,hinir stóru hnífar” fulltrúa Á – listans.

Staðreyndin er sú að fulltrúar Á – lista glutruðu niður opnu tækifæri til góðra verka með kolvitlausum áætlunum sínum áranna 2006, 2007 og 2008, til stórkostlegs tjóns fyrir íbúa Álftaness. Stærsta klúður fulltrúa Á – listans var að taka úr sambandi flest öll fyrirheit og áætlanir fyrri bæjarstjórnar, án þess að laga þær áætlanir að heildarmynd og hagsmunum íbúnna. Því fór sem fór, því miður.

Guðmundur

Útrásarvíkingar á Álftanesi.

Grein í Morgunblaðinu 19. júní 2009.

Það voru ekki bara útrásarvíkingar í bankastarfsemi á Íslandi og sumra stóru ,,loftbólu“ fyrirtækjanna, sem í meingölluðu regluverki fengu að valsa að vild þar til í þrot var keyrt. Við ,,eigum” okkar útrásarvíkinga á Álftanesi.
Þar er um að ræða bæjarfulltrúa Á – listans í meirihluta bæjarstjórnar. Og árangurinn á þremur árum, maður lifandi.

Hreppsnefndir og bæjarstjórnir hafa í gegn um tíðina haft að leiðarljósi ráðdeild og hagsmuni íbúa, lögum samkvæmt. Með nýjum meirihluta bæjarstjórnar vorið 2006 kvað við nýjan tón, umbylta varð öllu sem mögulegt var að bylta, án fyrirhyggju, raunverulegs kostnaðarmats, skoðunar á heildarmynd eða afleiðingum. Farið var í einskonar útrás. Í útrásinni fólst m.a. að hanna ,,nýjan grænan miðbæ,“ sem átti að slá öllu við og draga að nýja íbúa, verslanir og fyrirtæki af ýmsum stærðum. Einnig var gengið bratt til verks og hönnuð og byggð ný sundlaug, svona ,,svolítið” 2007. Svo ekki sé nú minnst á allt innstreymi fjár, sem áætlað var vegna kaupa aðila á byggingarrétti á miðsvæðinu og afrakstur aðgöngugjalda sundlaugar! Allt tók þetta brölt tíma og dýrt varð drottins orðið. Við sitjum uppi m.a. með dýrasta deiliskipulag, sem unnið hefur verið á landinu öllu. Þetta eru einungis dæmi, það var komið víðar við.

Kaup á skúrabyggingum
Á síðasta fundi bæjarstjórnar var samþykkt að semja við eiganda Bessans, sem rekur verslun og pöbb á Álftanesi, um kaup á aðstöðunni. Um er að ræða gamla vinnuskúra, sem voru settir niður og innréttaðir skv. bráðabirgðaleyfi og land undir þeim, sem er eign Bessans. En eigandinn fór mikinn fyrir síðustu kosningar í stuðningi sínum við Á listann og voru þar ógeðfelld meðöl notuð, sem ekki hafa verið uppi á borðum áður. Eigandi Bessans hefur átt við fjárhagserfiðleika að stríða í erfiðum rekstri. Nú skal endurgjalda greiðann frá vori 2006. Um er að ræða algerlega óásættanlegan samning. Virði samningsins miðað við aðstæður, gæti verið á bilinu 40 til 80 milljónir! Verð og forsendur, eru algerlega út úr korti og samningurinn er dæmalaus siðblinda og spilling. Skyldi öðrum Álftnesingum í fjárhags þrengingum standa til boða sambærilegar reddingar?

Fjárhagurinn
Loks á síðasta fundi bæjarstjórnar var lagður fram ársreikningur 2008. Rekstrarniðurstaða í árslok 2008 mínus 832 milljónir. Íþróttamiðstöð – sundlaug, skuld um 2,5 milljarðar. Aðrar skuldir í árslok 2008 um 2,5 milljarðar. Alls skuldir yfir 5 milljarðar. Meira en fimmfaldar áætlaðar árstekjur 2009. Heildarskuldir eru meira en 2 milljónir á hvern íbúa. Til að skoða marktækan samanburð rekstrar, gefur samanburður áranna 2005 til 2008 glögga mynd af óráðinu. Heildarskuldir bæjarsjóðs eru um síðustu áramót orðnar meira en fimmfalt meiri en í árslok 2005.

Þrátt fyrir svakalega stöðu bæjarsjóðs er samþykkt á síðasta fundi bæjarstjórnar að semja við Búmenn um 50 ára fasteignaleiguskuldbindingu, vegna framkvæmdar yfir 1 milljarð. Í verkinu felst að byggja m.a. hús fyrir bæjarskrifstofurnar, með að skálkaskjóli byggingu fyrir eldri íbúa, skv. lánsloforði frá Íbúðalánasjóði. Meginmál virðist að hægt er að setja í samninginn við Búmenn ,,kaup“ þeirra á byggingarrétti á miðsvæðinu. Síðan á bæjarsjóður að leigja að mestu herlegheitin. Raun upphæð samnings þessa verður ekki ljós fyrr en í fyrsta lagi seint á árinu 2010, þ.e. ef framkvæmdir hefjast. Það er vegna þess að allar mögulegar breytingar á verkefninu munu valda kostnaðarhækkun fyrir bæjarfélagið, svo sem hátturinn mun vera hjá Búmönnum. Og ekkert var nú samráðið við þá eldri um verkefnið.

Bæjarsjóður í uppnámi, þegar kreppa skall á.
Fulltrúar D – lista vöruðu strax sumarið 2006 við því að fulltrúar Á – lista ætluðu að bylta öllu hvað varðaði skipulag og fjármál. Ef slíkt ætti að gera, yrði að skoða heildarmyndina. Það var ekki gert. Ársreikningar 2006, 2007 og 2008 sýna að áður sterkum bæjarsjóði er á hrokafullan hátt stefnt í voða. Svo kom fjármálakreppan, sem nú er sagt að ásamt ákvörðunum fyrri bæjarstjórnar valdi hrikalegri stöðu bæjarsjóðs Álftaness. Halda fulltrúar Á – listans að Álftnesingar séu kjánar?

Bæjarstjórinn segir að ábyrgð á skuldum bæjarsjóðs í erlendri mynt sé fyrri bæjarstjórnar! Lán í erlendri mynt frá árinu 2005 með gjalddaga í mars sl. sé slæmt mál. Að hugsa sér málæðið. Greina má af orðum bæjarstjóra að megin ástæður mjög alvarlegrar stöðu bæjarsjóðs nú séu lántöku fyrri bæjarstjórnar og efnahagshruninu að kenna! Fulltrúar D – lista vöruðu við því strax sumarið 2006, þegar ljóst var að bylta ætti bæði fjárhagslegu öryggi bæjarsjóðs og einnig að skera upp allt skipulag, að ekki gengi að taka þetta litla kerfi okkar svo kyrfilega úr sambandi án forsjár og skoðunar á heildardæminu. Við höfum varað ítrekað við óráðinu. Afleiðingar áætlana fulltrúa Á – lista á stöðu bæjarsjóðs eru mjög alvarlegar. Gleðibanki Á – listans var ,,formlega“ opnaður í júní 2006 og var galopinn þar til í byrjun október sl. Ætti bankastjóri Gleðibankans ekki að axla ábyrgð og víkja?

Guðmundur G. Gunnarsson bæjarfulltrúi Sjálfstæðisfélagsins á Álftanesi.

Grein í Morgunblaðinu 19. júní 2009.

Útrásarvíkingar Á - listans, ábyrgð þeirra.

Fyrrum bankaeigendur og útrásarvíkingar gengu hratt um gleðinnar dyr, þeim voru fengnar í hendur bankarnir og regluverk frelsis, sem þeir misnotuðu ótæpilega með skelfilegum afleiðingum fyrir íslenska þjóð. Þar brást alþingi Íslendinga hlutverki sínu.

Kerfi sveitarfélaga virkar allt öðru vísi en alþingi. Það sem meirihluti sveitarstjórnar ákveður, stendur. Eftirlitskerfi stjórnkerfisins er nánast ekkert. Því er of seint í rassinn gripið, þegar ástand er orðið sem það er á Álftanesi.

Á – listinn var kjörinn til ábyrgðar á Álftanesi vorið 2006. Mikil var bjartsýnin, markmiðin svakaleg og óhófið gengdarlaust strax frá fyrstu viku. Ársreikningar 2005 sýna ráðdeild. En síðan fer flest á hliðina hvað fjárhaginn varðar. Með því að skoða ársreikninga 2006, 2007 og nýbirtan ársreikning 2008, sést svo ekki verður um villst að bæjarsjóður hefur með ,,markvissum“ hætti verið settur á hliðina.

Skýringar fulltrúa Á – lista á síðasta fundi bæjarstjórnar á hrikalegri stöðu bæjarsjóðs um síðustu áramót eru marklausar, svo sem að efnahagshrunið hafi orsakað að allt fór á hliðina og háir vextir. Það er hluti vandans, en það kemur fleira til. Nú var það ljóst í árshlutauppgjöri janúar til september 2008 að hér stefndi í algert óefni. Svo sem ég hef sagt frá hér á síðunni, þá hafa áætlanir fulltrúa Á – lista gengið út á gengdarlaust óhóf og ráðdeild var eitthvað, sem þau hafa ekki skilið. Eins og ég hef bent á áður, þá sagði fyrrum forseti bæjarstjórnar á bæjarstjórnarfundi:

,,Allar áætlanir hafi staðist, nema tekjuáætlanirnar.“

Þetta er auðvitað ein af tilvitnunum aldarinnar að mínu mati. En drengurinn sá þurfti að hröklast úr bæjarstjórn eftir að hafa orðið uppvís að því að hafa villt á sér heimildir með fölskum tölvuskeytum, til þess að meiða saklaust fólk.

Það er vissulega staðreynd að óráð fulltrúa Á – listans hefur verið algerlega með ólíkindum allt þetta kjörtímabil. Staða bæjarsjóðs í lok árs 2007 gaf til kynna að hér stefndi í óefni. Fulltrúar D – lista hafa ítrekað bent á, allt frá sumri 2006, að þessir einkenniklegu áætlanir Á – listans gætu ekki gengið upp.

Vandinn var orðinn löngu óviðráðanlegur fyrir efnahagshrunið. En frá október sl. þegar kreppan skall á okkur af fullum þunga, þá var ljóst að dæmið var einfaldlega það sem venjulegt fyrirtæki myndi ekki ráða við. Sveitarfélag getur vissulega ekki orðið gjaldþrota, því að þá kæmi til kasta laskaðs ríkissjóðs að hlaupa undir bagga. Það er að mínu viti óeðlilegt að svo sé um hnútana búið að sveitarstjórnarmenn bera alls enga ábyrgð á sínum gerðum. Í lögum stendur einungis að sýna eigi ráðdeild með almannafé. Auðvitað eru kosningar á fjögurra ára fresti uppgjör, síðan geta menn bara gengið frá borði óáreittir.

Vonandi verður nýja sundlaugin vel nýtt, en þó að gjald sé rúmar tvö hundruð krónur í hvert skipti, þá er raunverulegur kostnaður pr. hvert einasta skipti notenda þó nokkrar þúsundir króna. Sundlaugin er svo sannarlega svolítið ,,2007" - það sér hver heilvita maður.

Annað dæmi er sér fyrirgreiðsla á fjárhagsvanda eiganda Bessans. En bæjarstjórn hefur nýverið með atkvæðum fulltrúa Á - lista samþykkt að skúrarnir og lóðin verði keypt dýru verði. Skyldi öðrum Álftnesingum í mögulegum fjárhagsvanda standa til boða slík fyrirgreiðsla sem eigandi Bessans fær? Auðvitað hafa samningar við eiganda Bessans fordæmisgildi. Aldeilis makalaust mál, sem ég mun gera sérstök skil síðar.

Á síðasta fundi bæjarstjórnar samþykktu fulltrúar Á – listans samninga við Búmenn um uppbyggingu fyrir þá sem eldri eru. Því miður verður húsnæðið ætlað að mestu fyrir bæjarskrifstofur fyrstu árin en ekki aðstöðu fyrir þá sem eldri eru, svo sem ætlað er við hönnun mannvirkisins. Framkvæmt verður fyrir lánsfé frá Íbúðalánasjóði á sérkjörum. Síðan verða öll herlegheitin leigð af bæjarsjóði. Þokkaleg viðbót við leigusamninga við Fasteign um sundlaugarmannvirkin. Ég tel víst að ekki sé ætlast til þess að fé Íbúðalánasjóðs sé misnotað með svo eindregnum hætti, sem raun ber vitni. Fulltrúar Á – lista samþykktu samningana, en fulltrúar D – lista sátu hjá. Ef ég hefði verið á fundinum, hefði ég greitt atkvæði á móti, vegna þess að ekki eru forsendur fyrir slíkum viðbótarskuldbindingum við okkar aðstæður í dag.

Með samningum við Búmenn (ef fyrirvarar í samningunum flækjast ekki fyrir upphafi framkvæmda) er ljóst að yfirspilað skipulag miðsvæðisins fær fyrstu framkvæmdina, með gatnagerð um svæðið og undirbúningi framkvæmda við húsgrunnana. Þá verður m.a. lagður nýr vegur sunnan v ið Suðurtún, vegur sem íbúar mótmæltu kröftuglega að kæmi á sínum tíma.

Já útrásarvíkingum Á – lista Álftnesinga er margt til lista lagt. Skuldir bæjarsjóðs eru yfir 2,5 milljarðar í árslok 2008, þegar halli á rekstri bæjarsjóðs 2008 er um 830 milljónir. Auk þess er leiguskuldbinding vegna íþróttahúss og sundlaugar um 2,5 milljarðar. Alls eru því skuldir Álftnesinga yfir 5 milljarðar eða yfir 2 milljónir á hvern einasta íbúa um síðustu áramót. Alls meira en fimmfaldar áætlaðar árstekjur 2009!

Fulltrúar Á – lista halda því fram nú að megin orsök sé efnahagshrunið. Samanburðartölur 2005, 2006, 2007 og 2008 sýna svo ekki verður um villst að það er einungis hluti skýringar.
Bera útrásarvíkingar Á – listans á Álftanesi einhverja ábyrgð? Verður gerð sérstök rannsókn á þeirra háttarlagi og meðferð á almannfé?

Hvernig endar þessi vitleysa í stjórn bæjarfélagsins, sem Álftnesingar upplifa?

Guðmundur

Gjaldþrota Gleðibanki Á - listans.

Svo sem ég hef sagt frá hér á síðunni stefna skuldir bæjarsjóðs Álftaness í áður óþekktar upphæðir. Skuldir alls og leiguskuldbindingar til Fasteign vegna sundlaugar og íþróttahúss um síðustu áramót eru vart undir 5 milljörðum! Það er rosaleg breyting samanborið við skuldir bæjarsjóðs í árslok 2005, þá um kr. 950 milljónir.

Þetta eru skelfileg tíðindi. Athuga ber að raunin er sú að ársreikningi 2008 hefur verið alfarið haldið frá bæjarfulltrúum. Það hafa fulltrúar D – lista gagnrýnt harðlega.

Vafalaust er meining bæjarstjóra sú að ársreikningur 2008 verði ekki ræddur í bæjarráði eða bæjarstjórn fyrr en eftir að sundlaugin nýja hefur verið opnuð. Vafalaust finnst honum ekki ,,sniðugt“ að umræða um stöðu bæjarsjóðs um síðustu áramót skyggi á ,,fagnaðarlæti“ fulltrúa Á – lista vegna sundlaugarinnar.

Ef Gleðibanki Á – listans hefði ekki verið opnaður upp á gátt, strax sumarið 2006 og ef ekki hefði verið óráðlega og ógætilega farið með fé almennings á Álftanesi allt fram til síðasta hausts, þá hefði skellur bæjarsjóðs ekki orðið eins þungbær vegna fjármálakreppunnar og raun ber vitni.

Úr bókun fulltrúar D – lista í bæjarstjórn 28. ágúst 2006, þegar umræða um slit Á – lista á samningi við Eir um uppbyggingu fyrir bæjarfélagið og einkum eldri íbúa:

,,Reyndar er það svo að margar gjörðir Á lista frá kjördegi í maí sl. virðast miða að því að leggja fjárhag bæjarfélagsins í rúst á sem skemmstum tíma, svo hart er keyrt. Fulltrúar D lista frábiðja sér slík vinnubrögð sem þessi og lýsa fullri ábyrgð á hendur fulltrúum Á lista.“

Fulltrúar D – lista hafa marg ítrekað þá skoðun sína að fjárhag bæjarfélagsins hafi verið stefnt í stórhættu með draumsýnum fulltrúa Á – lista, sbr. gjörðir þeirra seinni hluta árs 2006 og fjárhagsáætlanir 2007 og 2008.

Álftaness er nú meðal verst staddra sveitarfélaga landsins. Nú innan fárra daga, þ.e. þegar sundlaugin hefur verið opnuð, mun óhjákvæmilega verða gerður opinber ársreikningur 2008. Þá verður á borðinu hver raunveruleg staðan er orðið. Þá gæti einhverjum orðið ómótt.

Guðmundur

Að kosningum til alþingis loknum.

Niðurstaðan liggur nú ljós fyrir og Samfylking og VG eru í viðræðum um myndun ríkisstjórnar. Það eru fleiri möguleikar í spilunum varðandi myndun ríkisstjórnar, en hæpið er að Sjálfstæðisflokkurinn komi þar að málum, eins og málflutningur ,,andstæðinganna“ var í aðdraganda kosninganna. Það þótti henta vel að Sjálfstæðisflokkurinn væri blóraböggullinn og allt honum að kenna, sem aflaga fór. Nú eru líkur á að ESB Samfylkingarinnar getur orðið ásteytingarsteinn í viðleitni S og VG til framhalds samstarfs í ríkisstjórn. Hvað meina menn með því að halda fram að Samfylking hafi sigrað í kosningunum? Er það vegna skýrrar stefnu í ESB málinu? Það tel ég ekki vera og ekkert ljóst í þeim efnum. Hvaða málflutningur sigraði? Ef þeim tekst að setja kúrs til samstarfs í ríkisstjórn, þá spái ég því að brestir fari að myndast fljótlega vegna óstýrlátra hópanna sem að þessum framboðum standa. Hvað þá með meginverkið = að leysa vanda heimila og fyrirtækja í landinu? Er það ekki málið nr. 1, 2 og 3? Það er málið nr. 1, 2 og 3. Dægurflugur og framtíðarmúsík mega ekki þvælast fyrir þessum brýnustu verkum, svo sem gerðist í 80 daga ríkisstjórninni.
D- deildin.
Sjálfstæðisflokkurinn þarf í alvarlega skoðun varðandi innra skipulag og stöðu flokksins í samfélaginu. Ýmsir og augljósir vankantar voru á málflutningi fulltrúa flokksins, aðferðafræði og auglýsingum fyrir kosningar nú.
Hvað kom fyrir sóknarviljann í D – deildinni?
Flokkurinn var drifinn í mikla vörn, þar sem fulltrúar hinna flokkanna fóru þá leið að dæma D – lista úr leik og það bar árangur til kjósenda. Það er háttur vinstri manna að vinna með slíkum hætti og hamra á, þegar færið er opið. Styrkjaruglið virtist síðan verða til þess, að allur vindur var úr hluta frambjóðenda flokksins og hluta hörðustu stuðningsmanna. Í hita umræðunnar um ótrúlega risastyrki til flokksins drukknuðu játningar forystu Samfylkingar og Framsóknar um styrkina til þeirra flokka á sama tíma. Einkum var athyglisvert hve umræðu um (Baugs)styrkina til Samfylkingarinnar var drekkt í fjölmiðlunum. Þeir eru miklir spunameistarar hóparnir sem tilheyra Samfylkingu. Eru öll kurl komin til grafar varðandi subbustyrkina til spunameistaranna?
Dæmi um spuna.
Talandi um spunameistara Samfylkingarinnar, þá kemur í hugann áætlun þeirra ágætu manna Lúðvíks Geirssonar bæjarstjóra í Hafnarfirði og Gunnars Svavarssonar alþingismanns (sem lenti í ónáð hjá formanni Samfylkingar á sínum tíma). En þeir ætluðu að skipta, svona ,,á ljúfu nótunum“ – það bara klikkaði. Bæjarstjórinn vildi á þing og Gunnar átti að verða bæjarstjóri. Bæjarstjórinn náði bara ekki inn á alþingi í kosningunum. Plottið gengur ekki alltaf upp hjá Samfylkingunni.
Landsfundurinn og hvað svo?
Það sem liggur á borðinu m.a. er að þeir sem sóttu Landsfund Sjálfstæðisflokksins voru að vissu leiti hafðir að fíflum. Í því sambandi má nefna framkvæmd fundarins, slagorð, ræðu fyrrverandi formanns og glundrið varðandi ESB niðurstöðuna.
Eftirfylgni ,,samstöðunnar“ á Landsfundinum varð síðan býsna skrautleg.
Varðandi ESB – af hverju að hræðast mögulega aðildarumræðuna? Ef árangur yrði af slíkum viðræðum, þá er það þjóðin sem hefur úrslitavaldið á endanum með kosningum. Af hverju að leggja gildrur til að reyna að fresta sem lengst umræðunni? Hvaða vit er í því að Sjálfstæðisflokkurinn hafni viðræðum fyrirfram, eða setji þessu máli afarkosti með tafaleikjum?
Ég hef óbeit á þeim fagurgala að ESB sé lausn á vanda dagsins í dag. Tel að slík umræða afvegaleiði alvarlega stöðu almennings í landinu vegna þess að það er númer eitt tvö og þrjú að koma með raunhæfar lausnir fyrir almenning og fyrirtækin. Tillögur Sjálfstæðismanna í aðdraganda þingkosninganna um 50% ,,frystingu“ afborgana almennings af fasteignaveðlánum í allt að þrjú ár verður að komast á nú þegar. Það sem minnihluta ríkisstjórnin samþykkti fyrir nokkru um greiðsluaðlögun fyrir einstaklinga með tilsjónarmanni, er allt of flókið og í raun algert rugl. Enda er það mjög að hætti vinstri manna lausna að vera ofan í hálsmálinu á liðinu.
Ótölulegur fjöldi einstaklinga og fyrirtækja er að komast upp með að borga ekki skuldir sínar, sumir hverjir algerlega ótrúlegar upphæðir, en þeir einstaklingar sem rembast við að standa í skilum með sínar skuldbindingar er stillt upp við vegg. Sumir virðast bara geta gengið ,,brosandi“ frá sínum skrautlegu skuldbindingum.
Verði það raunin að vextir lækki ekki hratt næstu þrjá til fjóra mánuði og gengi krónunnar nálgist einhverja skynsemi, þá er einfaldlega voðinn vís fyrir þá sem enn reyna að strögla við að standa í skilum við hræðilegar aðstæður.
ESB er ekki lausn í nútíð. ESB er framtíðarmúsík og óþarfi að hræðast slíka umræðu í þjóðfélaginu. Það eru reyndar önnur atriði framar í forgangsröðinni núna.
Sveitarstjórnarkosningar að ári.
Prófkjörsreglum Sjálfstæðisflokksins þarf að breyta, allavega hvað varðar undirbúning kosninga til sveitarstjórna að ári. Í fyrsta skipti í aðdraganda sveitarstjórnarkosninga vorið 2006 var þessum stífu gildandi reglum fylgt af hálfu Sjálfstæðisfélags Álftaness. Fram að því höfðu prófkjör félagsins verið opin, þ.e. allir stuðningsmenn framboðs félagsins gátu tekið þátt án þess að þeir sem ekki voru skráðir félagsmenn þyrftu að ganga formlega í Sjálfstæðisfélagið.
Í prófkjöri fyrir sveitarstjórnarkosningar vorið 2006 var viðhaft prófkjör. Lítil þátttaka félagsmanna varð m.a. vatn á myllu ,,andstæðinganna.“ Frumstæður Á – listinn varð til fyrir tilstilli fámenns hóps, sem sá sér leik á borði og náði ,,árangri“ með brellum og kjánaskap, sem svo sannarlega er ekki til eftirbreytni. Uppstilling fulltrúa Á – lista á ,,stefnumálum“ í aðdraganda sveitarstjórnarkosninga vorið 2006 var með miklum ólíkindum, en nógu margir tóku fagurgalann og rausið gott og gilt. Allir sem vilja, sjá að eftirleikur fulltrúa Á – lista er skelfileg staða bæjarsjóðs, sem jafnt og þétt árin 2006, 2007 og 2008 var stefnt á hliðina með óábyrgum hætti. Þegar efnahagshrunið kom síðan ofan í mjög alvarlega stöðu bæjarsjóðs, þá flæddi yfir gleðibikar Á – listans. Lög um sveitarstjórnir gera ekki ráð fyrir slíkri háttsemi með almannafé, sem við Álftnesingar höfum upplifað síðustu þrjú árin í boði fulltrúa Á - lista.
Mjög mikilvægt er að reglum Sjálfstæðisflokksins verði breytt, eða gerð undanþága varðandi Álftanesið. Álftnesingar þurfa að eiga val um hvort viðkomandi sé í Sjálfstæðisfélaginu og/eða Sjálfstæðisflokknum. Sjálfstæðisfélagið gæti orðið aðili að bæjarmálahópi? Svo er einn möguleiki enn, að Sjálfstæðisfélagið á Álftanesi verði aðili að víðtæku samstarfi um framboð til sveitarstjórnakosninga að ári?
Við svo erfiðar aðstæður sem blasa við á Álftanesi eftir gjaldþrot Gleðibanka Á – listans, þá dugir ekkert hálfkák. Finna þarf lausnir, sem íbúar geti sameinast um í erfiðri varnarbaráttu vegna stöðu bæjarsjóðs. Þegar ársreikningur 2008 verður loksins gerður opinber, munum við sjá skuldastöðu, sem engan óraði fyrir. Hér hefur Á – listinn verið í ,,svona svolítið 2007“ – allt kjörtímabilið, alveg frá fyrsta degi. Sjá m.a. greinina hér á undan þessari.
Hugmyndir sem ég kynnti í pistli dags. 11. janúar sl. og eru hér á síðunni, þarf að ræða opinskátt, svo sem ég hef hvatt til og án fordóma.
Framtíð Álftnesinga er í húfi. Höfum við annarra hagsmuna að gæta?
Er eitthvað athugavert við það að þeir sem gefa kost á sér í pólitík á landsvísu eða í sveitarstjórnum sýni auðmýkt? Lærum af reynslunni.

Guðmundur

Vinstri grænir á Álftanesi - fyrirmynd næstu landsstjórnar?

Allt þetta kjörtímabil hefur rekstrartap bæjarsjóðs Álftaness verið brúað með lántökum. Svo mikið lá á að hefja þurfti niðurrifsstarfsemina strax að loknum kosningum vorið 2006, áður en kjörnir fulltrúa fengu gild kjörbréf sín. Það sannast á því að bæjarstjóri Vinstri grænna lét greiða sér laun fyrir tímabilið frá kjördegi til þess dags að nýr meirihluti tók við.

Strax á árinu 2006 hófst útrás fulltrúa Á – listans, sem bæjarstjóri fór fyrir. Strax í júni árið 2006 var tekið til við takmarkalausa eyðsluna og söfnun skulda og svo áfram árið 2007 og 2008. Fulltrúar D – lista vöruðu ítrekað við óraunhæfum áætlunum fulltrúa Á – lista, fyrst sumarið 2006. Í lok áranna 2006, 2007 var borðleggjandi óráðið, þegar ársreikningarnir voru skoðaðir.

Ótrúleg og sérstök var skýring fyrrverandi forseta bæjarstjórnar Álftaness, þegar hann sagði á bæjarstjórnarfundi að almennt hefðu áætlanir Á – lista staðist, nema tekjuhlutinn! Gjöld á íbúa hækka í sífellu og til að mynda hafa fasteignagjöld hækkað um yfir 51% frá árinu 2006.

,,Ja svona svolítið 2007.”
Bæjarstjórinn og fyrrverandi forseti bæjarstjórnar (í Samfylkingunni) hömuðust við að gera sundlaugarverkefnið sem allra allra dýrast, þeim fannst það einfalt mál, allt væri jú tekið að láni frá Fasteign, en því miður voru leigugreiðslurnar tengdar gengi evrunnar!

Ósköpin sem gerðust á Álftanesi voru þau að strax sumarið 2006 var hafist handa um óreyðuna, þá hófst eyðsla á bæði borð og tekin lán sem aldrei fyrr. Allt gert á grundvelli þess að tekjurnar myndu flæða inn í bæjarsjóð um leið og uppbygging á miðsvæðinu hæfist í ,,Grænum miðbæ” bæjarstjórans.
Eytt var m.a. tugum milljóna í skipulagsvinnu á miðsvæði, m.a. þar af var hárri upphæð eytt í tillögu að menningarhúsi og hóteli. Vinnan og fjárausturinn við skipulag á Skógtjarnarsvæði er kapítuli út af fyrir sig. Þar skyldi afmáð lóðin Miðskógar 8 af deiliskipulagi, en bygging á lóðinni myndi trufla útsýni fyrrverandi forseta bæjarstjórnar. En það var einmitt vegna þessarar lóðar sem forsetinn (í Samfylkingunni) missti sig á hóteli í Reykjavík og sendi þaðan á Internetið undir dulnefni þvílíkan óhróður um eigendur lóðarinnar og fulltrúa Sjálfstæðisfélagsins á Álftanesi að venjulegu fólki var ofboðið. Vegna þessa máls þurfti forsetinn fyrrverandi að segja sig úr bæjarstjórn.

Óráðssíunni er best lýst með því að bera saman skuldastöðu í lok árs 2005, þá um 1000 milljónir, samsvörun við einar árstekjur bæjarsjóðs eða um 470 þúsund á íbúa. Í árslok 2007 voru heildarskuldir og leiguskuldbinding vegna sundlaugar alls um 3100 milljónir, um 1,3 milljón á íbúa. Upplýsingum varðandi ársuppgjör 2008 liggja enn ekki fyrir.

Miðað við árshlutauppgjör í september 2008 (fyrstu níu mánaða), og þróun verðlags síðan, þá eru skuldir bæjarsjóðs komnar í nýjar og áður óþekktar upphæðir. Gera má ráð fyrir að skuldasöfnunin og leiguskuldbinding vegna sundlaugar sé alls vel yfir 5000 milljónir í árslok 2008. Geri aðrir betur. Áætlaðar árstekjur 2009 gætu numið um 900 milljónum (mjög veruleg lækkun frá fyrra ári). Þessi skuldafjárhæð er ekki undir 2,1 milljón á hvern íbúa og heildarskuldir bæjarsjóðs nálgast óðfluga sexfaldar áætlaðar árstekjur 2009!

Rétt er að vekja athygli á því að skuldasöfnunin var orðin yfirgengleg þegar fjármálakreppan skall á okkur og jók enn á vanda bæjarsjóðs. Látlaus og hamslaus útgjöldin árin 2006, 2007 og 2008 voru ástunduð í trausti þess að tekjur á árinu 2008, 2009 og 2010 yrðu verulegar. Er eitthvert vit í þessum vinnubrögðum? Er einhver minnsti snefill af ráðdeild í þessum spilum Á – listans, það sem af er kjörtímabilinu? Er það ekki öllum ljóst að vandræði vegna stöðu bæjarsjóðs eru mjög alvarleg vegna þess hvernig háttsemin hefur verið allt kjörtímabilið, ofan í þau ósköp skellur svo yfir okkur kreppa og nánast kerfishrun á haustdögum. Hér er verið að höndla með almannafé.

Óþarfi er að fara hér ofan í það hvernig í ósköpunum fjármál bæjarsjóðs munu þróast á árinu 2009. Ljóst er að tekjur minnka verulega. Tekjur duga ekki fyrir útgjöldum. Taka þarf lán til að brúa bilið milli tekna og útgjalda, eins og árin 2006, 2007 og 2008. Þar vegur þungt að taka þarf m.a. lán til greiðslu leiguskuldbindinga vegna sundlaugar og stefnir í að svo verði um ókomin ár.

Verði okkur landsmönnum að góðu ef módel Vinstri grænna á Álftanesi í samsuðunni með sundurleitum hópunum í Samfylkingunni verður fyrirmyndin í fjármálaráðuneytinu að alþingiskosningum loknum.

Hugum vel að valmöguleikunum - á kjördegi 25. apríl 2009.

Munum hve atkvæði Álftnesinga voru dýr vorið 2006.

Við fulltrúar D - lista í bæjarstjórn Álftaness höfum óráð Vinstri grænna og fulltrúa Á - lista ,,beint í æð."

Guðmundur

Vettvangsferðin, skýringar.

Þann 10. apríl sl. setti ég inn orðréttan texta skeytis frá í nóvember sl. varðandi lóðina Miðskógum 8, sem varð þess valdandi að ,,Umræðunni" á heimasíðu Álftaness var lokað þann 20. nóvember sl.

Lóðarhafinn Miðskógum 8 hafði sambandi við mig og óskaði eftir því að ég fjarlægði textann, sem þau varðaði. Ég féllst á rökin og setti inn skýringar (í rauðu letri) í skeytið frá 10. apríl sl.

Guðmundur

Vettvangsferð á Grand hótel.

Víð fórum fjórir félagar á dögunum í vettvangsskoðun. Vildum sjá aðstöðuna sem hótelið býður upp á. Nýtt anddyri hótelsins er stórglæsilegt og rétt við gestamóttökuna er tölvuaðstaða sú sem fyrrverandi forseti bæjarstjórnar Álftaness notaði til að senda skeyti þau, sem leiddu til afsagnar hans úr bæjarstjórn. Það vekur auðvitað mikla eftirtekt að maðurinn sem er rafvirki skuli ekki hafa ,,fattað“ að hægt er að rekja sendingar úr tölvum og svo það sem gerði útslagið, öryggismyndavélarnar.
Vegna ítrekaðra spurninga um þessa einkennilegu atburði, þá finnst mér rétt að birta skeytið. En þann 19. nóv. sl. var skeytið sent á bloggsíðu lóðarhafa Miðskógum 8, en fékkst (eðlilega) ekki birt þar. Síðan er skeytið sent daginn eftir, þann 20. nóv. á heimasíðu Álftaness/Umræðan. Sú síða er auðvitað öllum opin, en að kröfu lóðarhafa Miðskógum 8 var skeytið tekið af heimasíðunni innan við fimm tímum eftir að skeytið var sent inn og raunar bætt um betur, ,,Umræðunni“ var lokað.
Tvennar lögregluyfirheyrslur leiddu til afsagnarinnar um miðjan desember sl.
Skeyti orðrétt (athyglisvert netfang):
,,sigurdur01@yahoo.com
Lóðin Álftanesi"

...ATH. Að beiðni lóðarhafa Miðskógum 8 hef ég fjarlægt þann texta í skeytinu (kl. 9.05 14. apríl ´09), sem þau varða. Ég fellst á að textinn er svívirðilegur og rakalaus óhróður um lóðarhafann. Ég skil eftir upphaf og endir skeytisins. Mál þetta er til meðhöndlunar í dómskerfinu. Guðmundur.

,,Ég þekki ekkert til þessa lóðamáls en er viss um að þarna er ekki allt með felldu.
Kæmi ekki á óvart að þau hefðu verið búin að greiða sjálfstæðismönnum einhverjar sporslur fyrir að fá að byggja þarna.
Sigurður“

Svo mörg eru þau orð, sem voru sett á heimasíðu Álftaness (skrifað upp úr ljósriti af útprentun af heimasíðunni).
Svona skrif dæma sig í sjálfu sér sjálf. Þarna vegur rafvirkinn á bæði borð og mannorðsskætingnum eru engin takmörk sett.
Þótti rétt að koma þessu á framfæri vegna ítrekaðrar hvatningar.

Það sem gerst hefur í þessu máli síðan er að lóðarhafar hafa sent Samgönguráðuneytinu stjórnsýslukæru vegna meðferðar fulltrúa Á - listans á byggingarleyfisumsókn og vegna skeytisins. Málið er nú til meðferðar í ráðuneytinu.

Auk þessa tilkynnti rafvirkinn um miðjan mars sl. að hann ætlaði að taka sæti sitt í bæjarstjórn á ný! Því höfnuðu fjórir bæjarfulltrúar Á - listans auk tveggja varamanna bréflega á bæjarstjórnarfundi 2. apríl sl. og sendu bréfið ráðuneytinu til úrskurðar um hvort eðlileg væri málsmeðferðin. Auðvitað er það svo að menn geta ekki gengið úr og í bæjarstjórn að eigin geðþótta, en afbrigði rafvirkjans kom þó fáum á óvart.

Málsmeðferð fulltrúa Á - listans varðandi Miðskóga 8 er vægðarlaus og dæmi um yfirgengilega vitlausa stjórnsýslu. Fulltrúar Á - lista hafa gert sig seka um afdráttarlaus mistök með framferði sínu í þessu máli. Milljónum hefur verið varið af almannafé í að ,,skipuleggja" svæðið við Skógtjörn til að færa í búning þá gjörð að afmá lóðina Miðskógum 8. Auk dýrra málaferla vegna þessa, sem án vafa eiga enn eftir að draga dilk á eftir sér.

Guðmundur

Verður Álftanes módel Vinstri grænna á landsvísu?

Miðað við skoðanakannanir þessa dagana stefnir í vinstri stjórn tveggja flokka. Samfylkingar og Vinstri grænna.
Er nema von að spurt sé hvort Álftanes verði módel Vinstri grænna á landsvísu?
Við síðust kosningar til bæjarstjórnar Álftaness tilkynnti framboð Á – listans að um óflokksbundið framboð væri að ræða.
Strax daginn eftir kjördag urðu fulltrúar framboðsins fulltrúar tiltekinna stjórnmálaflokka og athygli vakti að bæjarstjóri varð þrátt fyrir allt fulltrúi Vinstri grænna. Frammistaða þessa framboðs Á- listans í meirihluta bæjarstjórnar undir stjórn og alræði bæjarstjórans er rosaleg.
Þegar efnahagskreppan skall á í haust með hruni bankanna var eins og bæjarstjórinn hefði fengið kjaftshögg. Svo virtist sem keyrt hafi verið áfram af óraunhæfum áætlunum og bjartsýni úr hófi fram, því til staðfestingar er fróðlegt að rifja upp atriði úr fundargerðum bæjarstjórnar.
Staða bæjarsjóðs var fyrir hrunið orðin geigvænleg, en með holskeflu efnahagskreppunnar er ljóst að vandi bæjarsjóðs er illviðráðanlegur. Endurskoðun fjárhagsáætlun 2008 sl. haust var í skötulíki og líklegt að vanáætlaður kostnaður svo sem vegna vaxta verði í hæstu hæðum. Þrátt fyrir að bæjarráði hafi í desember sl. verið falið af bæjarstjórn að leggja fram endurskoðaða fjárhagsáætlun 2009 nú í mars, þá hefur engum, alls engum, upplýsingum verið til að dreifa í bæjarráði frá áramótum.
Ég hef óskað eftir og fékk samþykkt í bæjarráði að lagðar yrðu fram upplýsingar um þóknanir bæjarfulltrúa og allra nefndarmanna vegna áranna 2006, 2007 og 2008. Þessar upplýsingar liggja auðvitað fyrir, en það vefst fyrir bæjarstjóranum að leggja þær fram. Af hverju?
Engar upplýsingar úr ársreikningi 2008 hafa verið lagðar fram. Svo virðist sem allt sé gert, sem mögulegt er, til að fresta og tefja framvindu tiltekinna mála er varða fjármál og stjórnsýslu bæjarfélagsins.
Á Álftanesi er staðan sú að mjög líklegt er að heildarskuldir bæjarsjóðs að meðtalinni skuld vegna leigusamnings við Fasteign um íþróttamannvirkin og byggingu sundlaugarinnar séu að nálgast sexfaldar áætlaðar árstekjur 2009! En skuldir bæjarsjóðs í árslok 2005 voru rétt við áætlaðar árstekjur 2006.
Er nema von að spurt sé hvort Álftanes verði módel Vinstri grænna á landsvísu?
Guðmundur

Búmenn - byggir á misskilningi

Undirbúningur samninga við Búmenn um ,,uppbyggingu“ fyrir eldri íbúa er á misskilningi byggður. Á 43 fundum í vetur hefur vinnuhópur Álftnesinga komist að niðurstöðu um hönnun húsnæðis, svo sem kynnt hefur verið í bæjarráði og bæjarstjórn. Niðurstaða vinnuhópsins er í meginatriðum að Búmenn byggi í fyrsta áfanga bráðabirgðahúsnæði fyrir skrifstofur bæjarfélagsins og tíu 70 m² íbúðir fyrir eldri borgara. Þessari bráðabirgðaaðstöðu fyrir skrifstofur bæjarfélagsins verði síðan einhvern tíma breytt í þjónustumiðstöð fyrir eldir íbúa bæjarfélagsins. Hvenær, veit enginn. En aðstaða fyrir þá sem eldri eru byggir á lögum, en skv. áætlunum fulltrúa Á – lista er enginn áhugi á því að fara að þeim lögum.

Athyglisvert er að ekki liggja fyrir neinir samningar við Búmenn, heldur einungis viljayfirlýsing um samninga frá árinu 2006.

En til hvers voru þá samningar við Eir frá árinu 2005 eyðilagðir? Hefðu þeir hagstæðu samningar gengið eftir, hefði mannvirki það sem Eir átti á byggja verið tekið í notkun fyrir lok árs 2007. Meginmál samninga við Eir á sínum tíma var þjónusta við eldri íbúa bæjarfélagsins. Í fyrsta áfanga þess verkefnis áttu að vera íbúðir í ýmsum stærðum fyrir eldri íbúa, þjónustumiðstöð fyrir eldri íbúa, tómstundaaðstaða og aðstaða fyrir Félaga eldri borgara á Álftanesi. Auk þess bæjarskrifstofur, bókasafn bæjarfélagsins og aðstaða fyrir sóknarnefnd í einskonar sóknarheimili. Auk alls þessa voru miklar líkur á að heilsugæsla yrði í húsnæðinu, en samningar um það voru komnir vel á veg á sínum tíma. Samningur við Eir var sérstaklega hagfelldur bæjarfélaginu, með mjög hagstæðri leigu bæjarsjóðs á aðstöðu. Ekki síst var ætlað að gjaldtöku vegna íbúða fyrir eldri borgara væri mjög stillt í hóf.

Að minni hyggju er byrjað á öfugum enda varðandi verkefnið nú. Byrjað er á að ,,hanna“ mannvirki, án þess að um leið sé hugað að samningum um verkefnið við Búmenn. Væntanlega hefur allur áfallinn kostnaður fram að þessu fallið á bæjarsjóð. Allavega met ég það svo, því að þannig virkar ,,kerfi“ Búmanna, þeim er ekki ætlað að borga neitt, heldur greiðir sá sem á í hlut hverju sinni allan kostnað. Búmenn virka þannig að þeir taka lán hjá Íbúðalánasjóði og endurlána síðan bæjarfélaginu með nokkuð háu álagi.

Búmenn eru ekki valkostur til slíkrar uppbyggingar, sem talað er um að verði á Álftanesi til nota einhvern tíma í framtíð. Búmenn hafa enga sérþekkingu í þjónustu við eldri borgara, enda er Búmenn bara dýr milliliður lánsfjár. Það er athyglisvert að á sama tíma og hér eru uppi fyrirætlanir um samninga við Búmenn hefur annað bæjarfélag hætt slíkri samvinnu. Sandgerði gerði árið 2004 samning við Búmenn um byggingu mannvirkis í miðbænum. Svo forsjálir voru Sandgerðingar að þeir fengu inn í samninginn endurskoðunarákvæði um mögulega útgönguleið á fimm ára fresti, en slíkt er ekki almennt í samningum við Búmenn, heldur er þar yfirleitt um að ræða a.m.k. 30 ára samninga. Sandgerði hefur hætt ,,samvinnu“ við Búmenn og greitt þeim upp í topp og reka nú sitt mannvirki á eigin forsendum.

Athyglisvert væri að heyra hver reynsla bæjarfulltrúa í Vogum er af samskiptum við Búmenn, en þar er nýbyggt mannvirki á grundvelli samnings, sem engin endurskoðunarákvæði eru í. Um er að ræða í því tilviki a.m.k. 30 ára samning. Einnig ,,hafa“ Búmenn ,,byggt“ í Hveragerði.

Ég á ekki von á öðru en að augu fulltrúa Á – lista opnist fyrr en seinna, þegar þau átta sig á að þau eru komin í ógöngur í þessu máli. Búin að eyða miklu fé til undirbúnings máls, sem engir samningar liggja fyrir um. Með símtali væri hægt að fá réttar upplýsingar úr reynslubanka þeirra Sandgerðinga, Voga og Hvergerðinga.

Ég tel að eini árangurinn af ætlaðri ,,samvinnu“ við Búmenn á Álftanesi verði hár reikningur á bæjarsjóð vegna óraunhæfs undirbúnings að mannvirki, sem aldrei rísi.

Guðmundur